Igualdade entre rasa mak mehi deʼit?—Saida mak Bíblia dehan?

Tuir ema barak nia hanoin, igualdade entre rasa mak hanesan mehi neʼebé nunka bele sai realidade.

• “Rasizmu lori susar boot ba organizasaun, grupu, no ema nia moris loron-loron iha mundu tomak. Rasizmu kontinua book ema atu trata malu la diʼak.”—António Guterres, sekretáriu jerál Nasoins Unidas.

Igualdade entre rasa sei sai realidade duni ka lae? Saida mak Bíblia dehan?

Maromak nia haree ba ema husi rasa oioin

Bíblia hanorin ita kona-ba Maromak nia haree ba ema husi rasa oioin.

• “Husi ema ida deʼit mak [Maromak] halo nasaun hotu atu hela iha mundu tomak.”—Apóstolu 17:26.

• “Maromak la todan ba sorin, no iha nasaun hotu, Maromak simu ema hotu neʼebé hamtaʼuk nia no halo buat neʼebé loos.”—Apóstolu 10:34, 35.

Tuir Bíblia, ema hotu mak parte husi família ida no Maromak simu ema husi rasa hotu.

Oinsá mak igualdade bele sai realidade

Igualdade bele akontese liuhusi Maromak nia Ukun, neʼe mak governu ida iha lalehan. Governu neʼe sei hanorin ema oinsá atu trata ema seluk iha dalan neʼebé diʼak. Ema sei aprende oinsá atu halakon hanoin rasizmu.

• “Ema neʼebé hela iha rai [sei] aprende kona-ba hahalok loos.”—Isaias 26:9.

• “Rezultadu husi hahalok loos mak dame, no rezultadu husi hahalok loos mak hakmatek no seguru ba nafatin.”—Isaias 32:17.

Ohin loron, ema millaun ba millaun mak aprende husi Bíblia kona-ba oinsá atu trata ema seluk ho respeitu no dignidade.

• Atu aprende liután, lee livru Matan-moris bá! ho títulu “Oinsá atu halakon diskriminasaun?”

• Lee informasaun “Esplika ba oan kona-ba rasizmu” atu aprende oinsá inan-aman bele koʼalia kona-ba tópiku neʼe ho oan sira.