Testemuña ba Jeová no Holocaust—Saida mak Bíblia dehan?

Iha 27 Janeiru 2023, ema barak sei komemora Loron Internasionál Holocaust nian. Situasaun aat neʼebé akontese maizumenus iha tinan 75 liubá bele halo Ita hanoin tanbasá mak Maromak husik Holocaust akontese.

• Atu buka-hatene saida mak Bíblia dehan, lee informasaun “Tanbasá Holocaust akontese? Tanbasá Maromak la hapara ida-neʼe?”

Governu Nazi iha Alemaña fó-terus makaʼas ba ema Judeu sira nuʼudar vítima ba Holocaust. Ema millaun ba millaun mak mate tuir planu governu Nazi nian. Membru husi grupu balu mós sai nuʼudar vítima no mate iha tempu Holocaust. Sira balu mak Testemuña ba Jeová, neʼebé hetan kastigu tanba sira-nia fiar neʼebé bazeia ba Bíblia.

• Atu aprende liután, lee informasaun “Saida mak akontese ba Testemuña ba Jeová durante tempu Holocaust?”

“Futuru no esperansa”

Ema barak taʼuk katak situasaun hanesan Holocaust bele akontese filafali. Maibé, Bíblia promete katak tempu sei toʼo mai kuandu situasaun aat hanesan neʼe sei la akontese tan.

• “Jeová dehan: ‘Haʼu hatene didiʼak buat neʼebé haʼu hakarak ba imi, haʼu hakarak fó imi dame, laʼós fó-terus, no haʼu hakarak fó imi futuru kapás no esperansa.’”—Jeremias 29:11.a

Esperansa neʼe sei sai loos kuandu Maromak Jeová halakon tiha buat aat hotu no hadiʼa fali situasaun aat neʼebé akontese ohin loron. Lakleur tan nia sei:

• Halakon ema aat sira neʼebé fó-terus ema seluk.—Provérbios 2:22.

• Fó kmaan ba ema hotu neʼebé hetan susar no hadiʼa sira-nia situasaun.—Apokalipse 21:4.

• Halo ema neʼebé mate ona moris filafali iha mundu.—João 5:28, 29.

Ita bele tau fiar ba esperansa neʼebé Bíblia fó sai ona. Atu aprende tanbasá, ami konvida Ita atu koko ami-nia kursu Bíblia gratuitu.