Baleia jubarte nia liras

BALEIA jubarte mak animál neʼebé boot tebes iha tasi laran no todan liu fali bís. Maibé la susar ba animál neʼe atu fila nia an no luku. Oinsá mak baleia neʼe bele halo nuneʼe? Razaun ida mak tanba iha buat kafuʼak-kafuʼak iha ninia liras.

Hanoin toʼok kona-ba neʼe: Baibain baleia sira iha liras neʼebé kabeer. Maibé baleia jubarte la hanesan. Tanbasá? Tanba iha ninia liras nia parte oin iha buat kafuʼak-kafuʼak. Nuʼudar baleia neʼe nani, bee kona nia liras no halo bee neʼe dulas. Ida-neʼe halo fasil liu ba baleia neʼe atu nani lalais liu hodi uza ninia liras neʼebé naruk tebes atu fila nia isin bá-mai.

Matenek-naʼin sira aprende buat barak kona-ba baleia neʼe nia liras. Hodi estuda kona-ba neʼe, sira bele halo ró nia kamudi no elikópteru nia ventuiña iha dalan neʼebé diʼak liután.

Tuir Ita-nia hanoin oinsá? Baleia jubarte nia liras mosu mesak deʼit? Ka Maromak mak kria ida-neʼe?