Watchtower BIBLIOTEKA ONLINE
Watchtower
BIBLIOTEKA ONLINE
Tetun Dili
Á
  • Á
  • á
  • É
  • é
  • Í
  • í
  • Ó
  • ó
  • Ú
  • ú
  • Ã
  • ã
  • Ç
  • ç
  • Ñ
  • ñ
  • ʼ
  • BÍBLIA
  • LIVRU SIRA
  • REUNIAUN SIRA
  • lfb istória 20 p. 52-p. 53 par. 3
  • Susar neen tuirmai

La iha video neʼebé bele loke.

Deskulpa, la bele loke vídeo.

  • Susar neen tuirmai
  • Aprende husi Istória iha Bíblia
  • Informasaun seluk neʼebé hanesan
  • Susar tolu primeiru
    Aprende husi Istória iha Bíblia
  • Moisés no Aarão bá hasoru Faraó
    Livru Istória husi Bíblia
  • Moisés hili atu serbí Jeová
    Aprende husi Istória iha Bíblia
  • Liurai aat ida ukun Ejitu
    Livru Istória husi Bíblia
Haree barak liután
Aprende husi Istória iha Bíblia
lfb istória 20 p. 52-p. 53 par. 3
Gafañotu lubun

ISTÓRIA 20

Susar neen tuirmai

Moisés no Arão bá hasoru fali Faraó no hatoʼo Maromak nia lia-menon: ‘Se ó la husik haʼu-nia povu sai, haʼu sei haruka lalar boot barak ba rai-Ejitu.’ Tuirmai lalar lubun boot tama ema Ejitu sira-nia uma maski ema kiak ka riku, no nasaun tomak nakonu ho lalar. Maibé iha rai-Gosen neʼebé ema Izraél hela, la iha lalar. Hahú husi susar númeru haat, neʼe kona deʼit ema Ejitu. Faraó dehan: ‘Husu Jeová atu halakon tiha lalar sira-neʼe. Ema Izraél sira bele bá.’ Maibé depois Jeová halakon tiha, Faraó troka ninia hanoin. Tanbasá Faraó ulun-toos hanesan neʼe?

Jeová dehan: ‘Se Faraó la husik haʼu-nia povu sai, ema Ejitu sira-nia animál sei moras no mate.’ Loron tuirmai, neʼe akontese duni. Maibé ema Izraél sira-nia animál la mate. Maski nuneʼe, Faraó nafatin ulun-toos.

Entaun Jeová haruka Moisés bá hasoru Faraó no kari ahi-kadesan ba anin. Ahi-kadesan neʼe namkari ba fatin hotu no belit ba ema Ejitu nia isin, no hamosu fisur dodok iha sira-nia isin no sira-nia animál. Maski nuneʼe, Faraó nafatin lakohi husik ema Izraél sai.

Susar 4 toʼo 6: lalar boot, animál hakiak mate, fisur

Jeová haruka fali Moisés atu hasoru Faraó no hatoʼo lia-menon: ‘Ó nafatin lakohi husik haʼu-nia povu sai ka? Aban haʼu sei halo udan jelu-fatuk tun ba rai neʼe.’ Loron tuirmai, Jeová halo udan jelu-fatuk, rai-tarutu, no ahi tun. Ema Ejitu nunka haree dezastre boot hanesan neʼe. Ai-horis hotu sai aat, maibé iha rai-Gosen la akontese buat ida. Faraó dehan: ‘Husu Jeová atu hapara neʼe! Depois imi bele bá.’ Maibé bainhira Jeová hapara tiha, Faraó troka ninia hanoin.

Tuirmai Moisés dehan: ‘Gafañotu sei han ai-horis hotu neʼebé udan jelu-fatuk la estraga.’ Gafañotu barak tebes han mohu ai-horis hotu. Faraó dehan: ‘Husu Jeová atu haruka gafañotu sira-neʼe ba fatin seluk.’ Maibé bainhira Jeová halakon tiha gafañotu sira, Faraó ulun-toos nafatin.

Jeová koʼalia ba Moisés: ‘Lolo ó-nia liman ba lalehan.’ Derrepente deʼit lalehan sai nakukun. Ba loron tolu, ema Ejitu labele haree buat ida. Só ema Izraél nia fatin deʼit mak iha naroman.

Susar 7 toʼo 9: udan jelu-fatuk, gafañotu, nakukun

Faraó dehan ba Moisés: ‘Ó no ó-nia ema sira bele bá. Maibé husik imi-nia animál sira iha neʼe.’ Moisés dehan: ‘Ami tenke lori ami-nia animál atu nuneʼe ami bele hasaʼe sakrifísiu ba ami-nia Maromak.’ Faraó hirus tebes no hakilar: ‘Sai husi haʼu-nia oin! Se ó mai fali, haʼu sei oho ó.’

“Imi sei haree duni oinsá ema laran-loos la hanesan ho ema aat, ema neʼebé serbí Maromak la hanesan ho ema neʼebé la serbí nia.”—Malaquias 3:18

Pergunta: Saida mak susar neen tuirmai neʼebé Jeová halo? Saida mak la hanesan entre susar tolu primeiru ho susar neen tuirmai?

Éxodo 8:20–10:29

    Livru sira iha lian Tetun Dili (1993-2025)
    Log Out
    Log In
    • Tetun Dili
    • Fahe
    • Organiza tuir Ita-nia hakarak
    • Copyright © 2025 Watch Tower Bible and Tract Society of Pennsylvania
    • Kondisaun atu Uza
    • Informasaun Privadu
    • Setting kona-ba privasidade
    • JW.ORG
    • Log In
    Fahe