Hatudu interese ba ema

Saida mak Jesus halo

VÍDEO: Jesus koʼalia ho feto ida besik bee-posu

1. Haree VÍDEO, ka lee João 4:​6-9. Depois haree toʼok pergunta tuirmai:

1. Jesus haree saida antes nia koʼalia ho feto neʼe?

2. Jesus hatete: “Fó bee mai haʼu atu hemu.” Tanbasá neʼe mak dalan diʼak atu hahú koʼalia ho feto neʼe?

Ita aprende saida husi Jesus?

2. Karik ema sei kontente atu konversa ho ita se ita koʼalia kona-ba tópiku neʼebé kona sira.

Halo tuir Jesus nia ezemplu

3. Prontu atu halo mudansa. Keta koʼalia deʼit tópiku neʼebé Ita prepara nanis ona. Maibé koʼalia tópiku neʼebé ema seluk hanoin daudaun. Husu ba Ita-nia an:

1. ‘Notísias saida mak ema hanoin daudaun?’

2. ‘Saida deʼit mak haʼu-nia viziñu, maluk serbisu, ka kolega eskola koʼalia daudaun?’

4. Haree didiʼak. Husu ba Ita-nia an:

1. ‘Saida mak ema neʼe halo daudaun? Karik nia hanoin hela kona-ba saida?’

2. ‘Ema neʼe nia hatais, ninia jeitu, ka ninia uma hatudu saida kona-ba ninia fiar ka kultura?’

3. ‘Agora mak tempu neʼebé diʼak atu koʼalia ho nia ka lae?’

5. Rona didiʼak.

1. Labele koʼalia barak demais.

2. Halo ema sente kmaan atu fó sai sira-nia hanoin. Husu pergunta se neʼe mak tempu diʼak.