Koʼalia hanesan baibain

Saida mak Filipe halo

VÍDEO: Filipe haklaken ba ema-boot husi Etiópia

1. Haree VÍDEO, ka lee Apóstolu 8:​30, 31. Depois haree toʼok pergunta tuirmai:

1. Oinsá mak Filipe komesa konversa ho mane neʼe?

2. Tanbasá neʼe mak dalan neʼebé diʼak atu komesa konversa no esplika lia-loos neʼebé mane neʼe seidauk rona?

Ita aprende saida husi Filipe?

2. Se ita konversa hanesan baibain, neʼe bele ajuda ema atu sente kalma, kontente atu koʼalia ho ita, no prontu atu rona ba buat neʼebé ita sei fó sai.

Halo tuir Filipe nia ezemplu

3. Haree didiʼak. Ita bele hatene buat barak kona-ba ema ida hodi haree didiʼak ninia oin no ninia jeitu. Ema neʼe kontente atu koʼalia ho Ita ka lae? Atu bele komesa konversa kona-ba tópiku ruma husi Bíblia, husu pergunta simples hanesan, “Tuir Ita-nia hanoin . . . ?” Keta obriga ema atu konversa ho Ita se sira lakohi.

4. Hatudu pasiénsia. Labele hanoin katak Ita tenke koʼalia kedas kona-ba Bíblia. Hein toʼo tempu neʼebé diʼak atu koʼalia kona-ba lia-loos. Neʼe katak dala ruma Ita presiza hein ba tempu seluk atu fahe lia-loos ba ema neʼe.

5. Adapta. Dala ruma ema koʼalia fali tópiku seluk. Tan neʼe, sai prontu atu fahe informasaun ruma neʼebé kona ema neʼe nia situasaun, maski neʼe katak Ita la konsege koʼalia kona-ba tópiku neʼebé Ita prepara ona.