VIZITA FALI
LISAUN 7
Kontinua ajuda ema
Prinsípiu: “Sira la para atu hanorin no haklaken liafuan diʼak.”—Após 5:42.
Saida mak Paulo halo
1. Haree VÍDEO, ka lee Apóstolu 19:8-10. Depois haree toʼok pergunta tuirmai:
Maski ema balu kontra Paulo, oinsá mak nia kontinua ajuda ema neʼebé hatudu interese ba liafuan diʼak?
Oinsá mak ita bele hatene katak Paulo kontinua hanorin ema neʼebé hatudu interese? Nia halo ida-neʼe ba tempu hira?
Ita aprende saida husi Paulo?
2. Ita presiza hakaʼas an no uza tempu atu vizita fali ema no komesa estuda Bíblia.
Halo tuir Paulo nia ezemplu
3. Vizita tuir tempu neʼebé diʼak ba sira. Husu ba Ita-nia an: ‘Bainhira no iha neʼebé mak diʼak ba nia atu hasoru malu?’ Sai prontu atu vizita ema iha tempu neʼebé diʼak ba nia maski neʼe laʼós tempu neʼebé diʼak ba Ita.
4. Arranju tempu atu vizita fali. Bainhira remata konversa ho ema, halo arranju kona-ba tempu neʼebé Ita bele hasoru fali nia. Hakaʼas an atu kumpre planu neʼebé Ita halo ona.
5. Keta lakon esperansa. Keta hanoin kedas katak ema ida la interese tanba deʼit susar atu hasoru fali nia ka tanba nia okupadu tebes. (1 Kor 13:4, 7) Kontinua hakaʼas an atu hasoru fali ema neʼe, maibé diʼak atu uza Ita-nia tempu ho matenek.—1 Kor 9:26.