Saida mak Bíblia hanorin?

Saida mak Armajedón?

Ema balu fiar . . .

katak mundu tomak sei lakon tanba funu nukleár ka ambiente neʼebé aat ona. Oinsá ho Ita?

Saida mak Bíblia hatete?

Armajedón mak “funu neʼebé mosu iha Maromak Kbiit Boot Liu Hotu nia loron boot”, entre Maromak no ema aat sira. —Apokalipse 16:14, 16.

Saida tan mak Bíblia hanorin?

• Iha funu Armajedón, Maromak sei la halakon mundu, maibé nia sei halakon ema aat sira neʼebé estraga rai.—Apokalipse 11:18.

• Funu Armajedón sei hapara funu hotu iha mundu tomak.—Salmo (Mazmur) 46:8, 9.

Ita bele hetan salvasaun iha tempu Armajedón ka lae?

Tuir Ita-nia hanoin?

• Sin

• Lae

• Karik

Saida mak Bíblia hatete?

“Ema-lubun boot” husi nasaun hotu sei moris liu tempu “terus boot”, neʼebé sei ramata ho funu Armajedón.—Apokalipse 7:9, 14.

Saida tan mak Bíblia hanorin?

• Maromak hakarak ema barak atu hetan salvasaun. Nia sei halakon ema aat sira neʼebé la arrepende an.—Ezequiel (Yehezkiel) 18:32.

• Bíblia esplika saida mak ita bele halo atu hetan salvasaun iha tempu Armajedón.—Sofonias (Zefanya) 2:3.