Se presiza hetan lalais livru iha língua seluk

Dala ruma, ita hasoru ema neʼebé gosta atu lee ita-nia livru sira iha língua seluk neʼebé ita-nia kongregasaun la iha. Maibé, Ita hatene ka lae, katak se Ita uza internét, Ita rasik bele print livru neʼebé hakerek iha língua maizumenus 400? Ita bele halo hanesan tuirmai neʼe:

• Loke ita-nia pájina ofisiál iha internét, www.watchtower.org.

• Kuandu loke tiha pájina neʼe, iha sorin loos iha lista ho língua balu. Klik iha dezeñu ho mundu hodi bele hetan lista kona-ba língua hotu neʼebé iha ona.

• Klik iha língua neʼebé Ita hakarak. Pájina ida sei loke no sei hatudu livru saida mak Ita bele print, hanesan tratu, broxura, no informasaun oioin. Tanba pájina neʼe hakerek iha língua neʼebé Ita hili, lalika laran-susar se Ita la komprende títulu sira.

• Klik hodi hili ida neʼebé Ita hakarak. Informasaun sei mosu iha komputadór no depois Ita bele print ida-neʼe.

Ita-nia pájina ofisiál iha internét neʼe hatudu deʼit buat balu neʼebé Ita bele hetan; maibé, livru seluk tan, Ita bele hetan liuhusi kongregasaun. Kuandu Ita vizita fali ema no haree katak nia iha interese duni ba lia-loos, diʼak liu atu husu livru sira iha kongregasaun.