Dalan ida atu uza broxura Alkitab—Apa Isinya?

Ema barak iha ita-nia haklaken-fatin, liuliu sira neʼebé la’ós ema kristaun ladún hatene didiʼak kona-ba Bíblia. Kuandu estuda ho ema hanesan neʼe, haklaken-naʼin balu la uza deʼit livru Bíblia Hanorin, maibé sira mós uza broxura Alkitab—Apa Isinya? hodi ajuda ema sira-neʼe atu aprende kona-ba Bíblia. Porezemplu, irmaun ida hatudu parte 1 husi broxura neʼe kuandu nia hanorin ema kona-ba informasaun iha kapítulu 3 husi livru Bíblia Hanorin. Tuirmai, semana-semana nia koʼalia hamutuk ho ninia estudante kona-ba parte ida-idak iha broxura neʼe kuandu sira ramata estuda. Ita estuda daudauk ho ema neʼebé hatene uitoan ka la hatene buat ida kona-ba Bíblia ka lae? Entaun, atu nia bele aprende kona-ba “sagrada eskritura” neʼebé sei ajuda nia “atu hetan maksoin”, karik ita mós bele uza informasaun husi broxura Alkitab—Apa Isinya? hamutuk ho livru Bíblia Hanorin.—2 Tim 3:15.