Testemuña ba Jeová—Hatudu sira-nia fiar, Parte 1: Sai husi nakukun laran
Bíblia kompara lia-loos hanesan naroman, no hanorin falsu hanesan nakukun. (Sal 43:3; Isa 5:20) Satanás hatama nakukun, ka hanorin falsu iha mundu neʼe kuandu nia lohi Eva. Ikusmai Satanás konsege habelar nakukun iha mundu tomak. (Apok 12:9) Vídeo Saksi-Saksi Yehuwa—Beraksi dengan Iman, Bagian 1: Keluar dari Kegelapan, konta oinsá ita hetan Bíblia nia naroman maski mundu nakonu ho hanorin falsu. (Isa 60:1, 2) Depois haree tiha vídeo neʼe, buka resposta ba pergunta sira tuirmai neʼe.
(1) Oinsá mak nakukun, ka hanorin falsu mosu depois apóstolu sira mate? (2) Maizumenus iha tinan 1100, oinsá mak ema hatene katak igreja sira la hanorin lia-loos? (3) Sé mak Henry Grew no George Storrs? (4) Saida deʼit mak akontese ba Charles Russell neʼebé troka nia moris? (5) Oinsá mak irmaun Russell, ninia aman no ema seluk halaʼo sira-nia estudu Bíblia nian, no sira buka-hatene saida deʼit kona-ba Bíblia nia hanorin? (6) Oinsá mak grupu neʼe kahur ho Nelson Barbour nia grupu, maibé tanbasá mak irmaun Russell ikusmai sai fali? (7) Iha fulan-Jullu, tinan 1879, saida mak halo ema komesa haree naroman? (8) Depois neʼe, Estudante Bíblia sira halo saida atu habelar liafuan diʼak? (9) Saida mak Estudante Bíblia sira hanoin sei akontese iha tinan 1914? (10) Susar saida deʼit mak Estudante Bíblia sira hasoru depois irmaun Russell mate? (11) Depois irmaun Rutherford no ninia kolega sira sai husi komarka, Estudante Bíblia sira halo saida deʼit? (12) Oinsá mak vídeo neʼe halo Ita hafolin liután Maromak Jeová nia organizasaun? (13) Oinsá mak vídeo neʼe hametin ita atu haklaken ho badinas maski hasoru susar? (14) Oinsá mak ita bele uza vídeo neʼe atu ajuda ita-nia família, estudante sira, no ema seluk?
Sin, Estudante Bíblia sira hatudu ezemplu diʼak tebes mai ita! Iha mundu neʼebé nakukun tanba hanorin falsu, sira hatudu aten-brani hodi fó sai kona-ba naroman. Tan neʼe, mai ita halo tuir sira-nia ezemplu no sai “naroman nia oan sira”.—Ef 5:8.