Testemuña ba Jeová—Hatudu sira-nia fiar, Parte 2: Husik naroman sai nabilan
Iha tinan 1919 kuandu irmaun Rutherford no ninia maluk sira sai husi komarka, iha serbisu barak tebes neʼebé Estudante Bíblia sira tenke halo. Hanesan hatudu iha DVD ho títulu Saksi-Saksi Yehuwa—Beraksi dengan Iman, Bagian 2: Biarlah Terang Bersinar, Estudante Bíblia sei iha inimigu barak neʼebé kontra sira, sira sei aumenta liután sira-nia koñesimentu kona-ba Bíblia, no sira-nia fiar sei sai diʼak liután. (Prov 4:18; Mal 3:1-3; Joao 15:20) Se ita haree ona DVD neʼe, ita bele fó resposta ba pergunta sira tuirmai neʼe ka lae?
(1) Estudante Bíblia sira uza dalan saida deʼit atu habelar lia-foun diʼak? (2) Avizu saida mak fó sai iha reuniaun boot sira iha tinan 1931 no 1935? (3) Informasaun importante saida mak fó sai iha The Watchtower, 1 Novembru 1939? (4) Konta toʼok kona-ba buat neʼebé akontese iha Madison Square Garden bainhira irmaun Rutherford hatoʼo hela diskursu ho tema “Governu no dame”. (5) Tanbasá mak irmaun Knorr nia diskursu ho tema “Dame bele tahan nafatin ka lae?” mak buat neʼebé interese tebes? (6) Iha tinan 1942, saida mak Testemuña ba Jeová planu atu halo hodi habelar serbisu haklaken? (7) Konta toʼok kona-ba kazu balu iha tribunál neʼebé Testemuña ba Jeová sira hasoru iha rai-Estadus Unidus, Kanadá, no Grésia? (8) Oinsá mak Eskola Gilead ajuda atu habelar serbisu haklaken? (9) Serbisu importante saida mak hahú iha tinan 1946, no tanbasá? (10) Desizaun saida deʼit mak Testemuña ba Jeová sira halo hodi troka sira-nia hahalok atu bele moris tuir matadalan sira husi Bíblia? (11) Esplika toʼok kona-ba mudansa balu neʼebé organizasaun halo maizumenus iha tinan 1970 hodi bele tuir didiʼak ezemplu sira iha Bíblia? (12) Oinsá mak haree vídeo neʼe ajuda ita atu fiar liután katak Jeová mak tau matan ba buat hotu no organizasaun neʼe mak ninian? (13) Oinsá mak vídeo neʼe hametin ita atu haklaken ho badinas maski hasoru susar? (14) Oinsá mak ita bele uza vídeo neʼe atu ajuda ita-nia família, estudante sira, no ema seluk?
Buat sira neʼebé akontese loron-loron aumenta liután Testemuña ba Jeová nia istória. Entaun, saida mak istória neʼe sei hatudu kona-ba ita-nia hakaʼas-an iha serbisu haklaken? Hanesan buat neʼebé ita-nia maluk sira iha tempu uluk halo tiha ona, mai ita mós ho laran-manas kontinua husik “naroman nabilan” iha ema nia leet!—2 Kor 4:6.