Vídeo foun atu komesa estuda Bíblia

Ema barak haree ona vídeo foun ho títulu Tanbasá Estuda Bíblia? iha ita-nia sítiu jw.org. Ita-nia organizasaun halo vídeo neʼe hodi konvida ema atu komesa estuda Bíblia ho ita. Bele hetan vídeo neʼe iha home, depois iha parte kraik, klik “Estudu Bíblia”. Ka ita mós bele scan code (QR) iha ita-nia tratu foun sira-nia kotuk. Tuirmai mak sujestaun balu oinsá atu uza vídeo foun neʼe.

• Kuandu halo vizita fali, bele hatete ba uma-naʼin: “Haʼu bele hatudu vídeo badak ida neʼebé esplika oinsá Ita bele hetan resposta ba Ita-nia pergunta sira kona-ba Bíblia?” Se nia hakarak, ita bele hatudu vídeo neʼe iha ita-nia telefone ka iha ninia komputadór rasik.

• Se ita fahe tratu foun ba ema kuandu ita haklaken iha fatin públiku ka iha dalan la formál, ita bele hatudu code iha tratu neʼe nia kotuk. Husu nia atu scan code neʼe ho ninia telefone, se ninia telefone iha programa atu halo ida-neʼe. Karik ita bele hatudu kedas vídeo neʼe iha ita-nia telefone, tanba iha língua barak kuandu scan code, vídeo neʼe loke kedas.

• Bele fó-hatene ba maluk serbisu-naʼin, kolega eskola, família ka ema seluk kona-ba vídeo neʼe, no husu se sira hakarak haree. Ka ita bele email link ba vídeo neʼe hodi sira bele loke no haree rasik.

Hodi uza didiʼak vídeo foun neʼe, ita bele komesa estuda Bíblia ho ema barak no ajuda sira neʼebé “prontu atu simu lia-loos neʼebé lori ba moris rohan-laek”.—Apóstolu 13:48.