Tansá importante atu komesa estudu Bíblia iha domingu primeiru iha fulan-fulan
Hahú iha fulan-Maiu 2011, haklaken-naʼin sira simu laran-manas atu komesa estudu Bíblia iha domingu primeiru iha fulan-fulan. Hodi ajuda ita halo nuneʼe, agora iha artigu foun iha Livru Haklaken ba públiku ho títulu “Resposta ba pergunta sira kona-ba Bíblia”. Tan neʼe, irmaun neʼebé dirije grupu haklaken iha domingu primeiru sei koʼalia kona-ba oinsá atu uza informasaun neʼe atu komesa estudu Bíblia no mós halo drama kiʼik kona-ba neʼe.
Katuas sira bele hili se grupu ida-idak halibur hamutuk iha domingu primeiru ka sira bele halo arranju hodi grupu hotu bele halibur hamutuk iha Reuniaun-Fatin. Maibé se kongregasaun rua ka liu uza Reuniaun-Fatin ida deʼit, kongregasaun la bele muda loron espesiál neʼe ba loron seluk tan deʼit hodi ema hotu bele tuir.