Esplika ita-nia fiar kona-ba 1914

Eskritura anima ita hodi “sai prontu nafatin atu defende” ita-nia fiar, no “halo ida-neʼe ho laran-maus no respeitu”. (1 Pedro 3:15) Maibé, koʼalia loloos deʼit, dala ruma ita sente susar uitoan atu esplika buat kleʼan husi Bíblia, hanesan oinsá mak ita fiar katak Maromak nia Ukun hahú iha tinan 1914, loos ka lae? Atu ajuda ita ho ida-neʼe, iha informasaun rua ho títulu “Koʼalia hamutuk kona-ba Bíblia—Horibainhira mak Maromak nia Reinu hahú ninia ukun?” Ita bele hetan informasaun sira-neʼe iha Livru Haklaken neʼebé ita atu uza ba fulan Outubru–Dezembru no Menara Pengawal 1 Novembru nian. Bainhira ita lee informasaun sira-neʼe, fó atensaun didiʼak ba pergunta sira neʼebé haklaken-naʼin uza.

Oinsá mak nia . . .

• gaba uma-naʼin tanba nia fó sai nia hanoin hodi loke dalan atu koʼalia nafatin ho ema neʼe?—Apóstolu 17:22.

• hatudu hahalok haraik-an bainhira nia esplika kona-ba ninia fiar?—Apóstolu 14:15.

Tanbasá mak diʼak nia . . .

• la oras koʼalia fali pontu neʼebé sira foin koʼalia hotu antes tama ba pontu foun seluk?

• la oras para uitoan hodi husu fali uma-naʼin atu haree toʼok nia komprende kona-ba buat neʼebé nia esplika ka lae?

• la koʼalia informasaun barak liu iha tempu ida deʼit?—João 16:12.

Ita agradese tebes ba Jeová, ita-nia “Mestre Boot liu hotu” neʼebé hanorin ita oinsá bele esplika lia-loos kleʼan husi Bíblia ba ema neʼebé hamrook ba lia-loos.—Isaías (Yesaya) 30:20.