Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Dezembru

“Ami mai vizita hodi koʼalia kona-ba governu neʼebé diʼak. Tuir Ita-Boot nia hanoin, governu sira ohin loron iha kbiit atu halakon problema sira hanesan violénsia no la iha justisa ka lae?” Hein ba resposta. Fó-hatene ba uma-naʼin katak iha orasaun Ami Aman, Jesus hanorin ita hodi halo orasaun ba governu ida. Neʼe mak Maromak nia governu. Hatudu informasaun iha Livru Haklaken Outubru–Dezembru nia kotuk. Koʼalia hamutuk kona-ba pergunta primeiru no lee eskritura ida ka rua. Fó livru neʼe ba uma-naʼin no halo planu atu vizita fali hodi koʼalia tan kona-ba pergunta seluk.

Livru Haklaken Outubru–Dezembru

“Karik Ita-Boot hatene ona orasaun Ami Aman hodi harohan ba Maromak nia Reinu atu mai, loos ka lae? Tuir Ita-Boot nia hanoin, Maromak nia Reinu neʼe mak saida? [Hein ba resposta.] Bíblia esplika didiʼak saida mak Maromak nia Reinu no mós saida mak Reinu neʼe sei halo ba ema hotu iha futuru. [Hatudu informasaun iha pájina 6 no 7.] Livru neʼe koʼalia kona-ba bensaun sira neʼebé Maromak nia Reinu sei lori mai, no tanbasá Jesus sente importante tebes atu haklaken kona-ba neʼe.”

Matan-moris bá! Outubru–Dezembru

“Nuʼudar Testemuña ba Jeová, ami mós anima ema seluk hodi estuda Bíblia. Maibé ema barak husu: ‘Tanbasá mak iha relijiaun barak tebes?’ Ita-Boot mós hanoin hanesan neʼe ka lae? [Hein ba resposta.] Porezemplu, Bíblia esplika kona-ba hahalok hanesan saida mak Maromak simu. [Lee João 13:35.] Informasaun neʼe esplika kona-ba tansá mak iha relijiaun barak ohin loron, no mós oinsá mak ita bele hatene relijiaun saida mak Maromak simu.” Hatudu informasaun neʼebé komesa iha pájina 12.