Oinsá atu uza livru Saida mak Bíblia Hanorin Ita?

Livru Hanorin Ita (Você Pode Entender a Bíblia!) atu hanesan ho livru Bíblia Hanorin. Livru rua neʼe iha tópiku neʼebé hanesan deʼit. Maibé livru Hanorin Ita uza liafuan neʼebé simples. Livru neʼe halo ho objetivu atu ajuda ema neʼebé susar atu komprende livru Bíblia Hanorin. Livru Hanorin Ita la uza apéndise, maibé uza deʼit nota husi lisaun atu esplika liafuan no hanorin ruma husi lisaun iha dalan neʼebé simples liu. Kapítulu ida-idak la iha tan pergunta sira iha títulu nia okos no mós kaixa kona-ba saida mak Bíblia hanorin. Maibé kapítulu ida-idak ramata ho rezumu kona-ba Bíblia nia lia-loos husi kapítulu neʼe. Ita bele fahe livru neʼe hanesan ho fahe livru Bíblia Hanorin iha tempu naran deʼit maski neʼe laʼós livru neʼebé atu fahe iha fulan neʼe. Oinsá mak ita bele uza livru Hanorin Ita atu halaʼo estudu Bíblia ho ema?

REZUMU: Ema barak gosta dalan neʼebé ita estuda Bíblia ho sira hodi lee uluk parágrafu iha livru Bíblia Hanorin no tuirmai mak husu pergunta. Maibé oinsá se estudante ladún komprende kona-ba língua ka ladún hatene lee. Se hanesan neʼe, ita bele uza rezumu sira husi livru Hanorin Ita atu estuda ho nia no husu nia atu lee informasaun husi kapítulu tomak iha nia rasik nia tempu. Baibain bele uza minutu 15 atu koʼalia kona-ba Bíblia nia lia-loos ida-idak. Ita tenke prepara didiʼak no hanoin uluk kona-ba estudante nia presiza antes bá estuda, tanba rezumu ida-idak la koʼalia informasaun hotu husi kapítulu neʼe. Se ita estuda ho ema hodi uza kapítulu ida-idak, ita bele uza rezumu sira nuʼudar revizaun ba kapítulu neʼe.

NOTA HUSI LISAUN: Liafuan no informasaun iha nota husi lisaun forma tuir kapítulu ida-idak. Bainhira ita estuda livru Hanorin Ita ho ita-nia estudante, ita bele deside atu lee ka la lee nota neʼe bainhira koʼalia hela kona-ba kapítulu neʼe.