Aumenta ita-nia matenek iha serbisu haklaken​—Halo vizita fali

TANBASÁ IMPORTANTE: Ema barak neʼebé hatudu interese buka daudaun lia-loos kona-ba Maromak. (Isa 55:6) Atu bele hanorin sira ho didiʼak, ita presiza bá vizita sira beibeik. Ema hasoru problema oioin, tan neʼe ita mós presiza uza dalan oioin atu hanorin. Ita sei hetan rezultadu diʼak se ita prepara nanis no hanoin kona-ba ita-nia objetivu ba vizita ida-idak neʼebé ita halo ba nia. Ita-nia hakarak mak ikusmai atu komesa estuda Bíblia ho nia.

OINSÁ ATU HALO IDA-NEʼE:

• Liutiha loron balu koko halo kedas vizita fali.​—Mt 13:19

• Hatudu respeitu no laran-diʼak. Sai kalma nafatin

• Hahú hodi hasé nia ho laran-diʼak. Uza ema neʼe nia naran bainhira koʼalia ho nia. Fó-hanoin nia tanbasá mak ita mai fali, porezemplu, atu hatán ninia pergunta ruma, lori revista foun, hatudu ita-nia sítiu, loke vídeo ida, ka hatudu oinsá ita halaʼo estudu Bíblia. Se nia hakarak koʼalia kona-ba buat seluk, sai prontu atu koʼalia hamutuk.​—Flp 2:4

• Atu rega fini lia-loos nian neʼebé kuda ona iha ninia laran, hatudu eskritura ruma, no karik mós bele fahe livru ida ba nia. (1Ko 3:6) Koko atu koñese malu liután

• Halo planu atu vizita tan