Hein namanas ho pasiénsia

Ita hein kleur ona ba Maromak nia Ukun ka lae? Ita mós tahan hasoru susar sira ho pasiénsia ka lae? (Rom 8:25) Ema Kristaun balu hasoru susar hanesan ema odi no fó terus, tama komarka ka mate. Sira seluk tahan hasoru susar sira hanesan moras todan ka idade aumenta.

Saida mak bele ajuda ita atu hein namanas maski hasoru susar? Ita presiza hametin ita-nia fiar hodi lee Bíblia loroloron no medita kona-ba buat neʼebé ita lee. Ita tenke tau fokus ba ita-nia esperansa. (2Ko 4:16-18; Ebr 12:2) Ita presiza harohan ba Maromak liuhusi orasaun no husu ninia kbiit liuhusi espíritu santu. (Lc 11:10, 13; Ebr 5:7) Ita-nia Aman domin nian bele ajuda ita atu “bele tahan buat hotu ho pasiénsia no ksolok”.​—Kol 1:11.

HAREE VÍDEO ITA TENKE “HALAI TOʼO ROHAN”​—FIAR METIN BÁ KATAK ITA SEI HETAN PRÉMIU, NO DEPOIS HATÁN BA PERGUNTA SIRA TUIRMAI NEʼE:

• 

  Situasaun saida mak bele mosu derrepente deʼit iha ita-nia moris? (Ecl 9:11)

• 

  Oinsá mak orasaun bele ajuda ita bainhira ita hasoru susar?

• 

  Se ita labele serbí Jeová liután, tanbasá mak ita presiza tau fokus ba buat neʼebé ita bele halo?

• 

  Saida mak ajuda Ita atu fiar metin katak Ita sei hetan prémiu?