MORIS NUʼUDAR EMA KRISTAUN
Jeová ajuda ita atu tahan hasoru susar
Iha loron ikus sira-neʼe ita hasoru susar barak, no dala ruma ita bele sente katak ita labele tahan tan. Maibé se ita kontinua hakbesik ba Jeová, nia sei ajuda ita atu tahan maski hasoru susar neʼebé boot tebes. (Isa 43:2, 4) Oinsá mak ita bele hakbesik ba Jeová kuandu hasoru susar?
Orasaun. Kuandu ita fakar sai ita-nia sentimentu ba Jeová, nia sei fó ita dame no forsa atu bele tahan.—Flp 4:6, 7; 1Ts 5:17.
Reuniaun. Ita presiza liután atu hetan ai-han espirituál no ransu ho maluk sira hodi tuir arranju neʼebé Jeová fó liuhusi reuniaun. (Ebr 10:24, 25) Kuandu ita prepara, asiste, no hola parte iha reuniaun kongregasaun nian, ita sei hetan benefísiu husi Jeová nia espíritu.—Apk 2:29.
Haklaken. Se ita hakaʼas an atu hola parte iha serbisu haklaken, neʼe halo fasil ba ita atu fokus ba buat neʼebé pozitivu. Ita mós sei hametin ita-nia relasaun belun ho Jeová no maluk serbisu-naʼin sira.—1Ko 3:5-10.
HAREE VÍDEO JEOVÁ SEI TAU MATAN BA ITA, DEPOIS HATÁN BA PERGUNTA TUIRMAI:
Saida mak ajuda irmán Malu atu besik nafatin ho Jeová durante tempu susar?
Hanesan irmán Malu, oinsá mak liafuan iha Salmo 34:18 bele fó kmaan mai ita kuandu hasoru susar?
Oinsá mak irmán Malu nia esperiénsia hatudu katak Jeová fó ita “kbiit neʼebé la hanesan baibain” kuandu ita hasoru susar?—2Ko 4:7