Aumenta ita-nia matenek iha serbisu haklaken—Prontu atu troka tuir situasaun

TANBASÁ IMPORTANTE: Kristu nia alin sira no mós bibi seluk konvida ema oioin atu “foti bee moris nian no la presiza selu”. (Apk 22:17) Bee simbóliku neʼe reprezenta buat hotu neʼebé Jeová fó atu salva ema husi sala no mate. Atu ajuda ema sira neʼebé iha kultura no fiar oioin, ita presiza haklaken “liafuan diʼak neʼebé iha ba nafatin” tuir sira ida-idak nia situasaun.—Apk 14:6.

OINSÁ ATU HALO IDA-NEʼE:

• Hili tópiku no eskritura neʼebé kona ema iha Ita-nia área nia sentimentu. Ita bele hili husi ezemplu atu haklaken ka hili buat ruma neʼebé Ita halo ona ho susesu. Tópiku ka eskritura saida mak bele book ema nia laran? Iha notísias foun neʼebé ema hanoin daudaun ka lae? Informasaun saida mak bele dada mane ka feto nia atensaun?

• Uza dalan atu hasé ema ka toman atu koʼalia ba malu hanesan baibain ema neʼebé iha Ita-nia área halo.​—2Ko 6:3, 4

• Sai toman hodi uza publikasaun no vídeo iha ita-nia Ekipamentu Hanorin nian atu fó ka hatudu ba ema neʼebé interese

• Download informasaun husi língua seluk ba ema neʼebé karik Ita sei hasoru iha Ita-nia área

• Sai prontu atu troka tópiku hodi tuir uma-naʼin nia presiza. (1Ko 9:19-23) Porezemplu, saida mak Ita sei hatete se Ita foin hatene uma-naʼin nia família ida mate?

HAREE VÍDEO, NO DEPOIS HATÁN BA PERGUNTA SIRA TUIRMAI:

• Tópiku saida mak haklaken-naʼin hahú uza atu koʼalia ho uma-naʼin?

• Saida mak akontese daudaun ho uma-naʼin neʼe nia moris?

• Eskritura saida mak diʼak ba situasaun neʼe, no tanbasá?

• Oinsá mak Ita rasik troka tópiku hodi kona ema iha Ita-nia área nia sentimentu?