Oinsá atu uza Ezemplu atu Haklaken

Ba tinan balu ona, Moris Kristaun no Haklaken—Programa no nota iha ezemplu atu haklaken iha pájina primeiru. Oinsá mak ita bele uza ezemplu sira-neʼe?

Bainhira iha knaar iha reuniaun: Ita tenke uza pergunta, eskritura no pergunta ba vizita tuirmai husi ezemplu atu haklaken. Maibé neʼe la dehan katak ita tenke uza liafuan ida-idak husi vídeo kona-ba ezemplu atu haklaken. Ita bele uza liafuan seluk atu komesa koʼalia ho uma-naʼin, situasaun neʼebé la hanesan, no mós bele esplika iha dalan neʼebé la hanesan. Ita mós bele fahe publikasaun husi Ekipamentu Hanorin nian, maski la temi iha matadalan ba knaar neʼe.

Bainhira haklaken: Ezemplu atu haklaken mak atu fó ideia ba Ita atu uza. Se ema hatudu interese no hakarak hatene liután, ita bele kontinua koʼalia, no karik uza informasaun husi vizita fali. Ita bele troka ezemplu sira-neʼe tuir Ita-nia hakarak ka uza deʼit buat seluk. Ema iha Ita-nia haklaken fatin sei gosta liu tópiku husi fulan seluk nian ka eskritura seluk ka lae? Sira gosta liu atu koʼalia kona-ba notísias ruma neʼebé foin akontese iha Ita-nia área ka lae? Maski ita bele uza ezemplu atu haklaken iha dalan oioin, ita-nia objetivu mak atu ‘halo buat hotu tan liafuan diʼak, atu nuneʼe ita mós bele fahe ida-neʼe ba ema seluk’.​—1Ko 9:22, 23.