Oinsá atu uza Ezemplu atu Haklaken

Irmaun sira halo serbisu makaʼas atu prepara ezemplu atu haklaken, no haklaken-naʼin barak uza ezemplu neʼe iha sira-nia área no hetan susesu. Maibé, tanba situasaun iha fatin ida-idak la hanesan, ita bele uza dalan ka tópiku seluk atu koʼalia ho ema kuandu ita haklaken. Klaru katak ita hotu presiza halo tuir matadalan kona-ba halaʼo kampaña espesiál. Ita-nia objetivu mak atu kumpre Jesus nia mandamentu hodi haklaken liafuan diʼak kona-ba Maromak nia Ukun.​—Mt 24:14.

Kuandu hetan knaar, haklaken-naʼin sei uza tópiku husi ezemplu atu haklaken iha Livru Moris Kristaun no Haklaken. Maibé se la iha matadalan espesífiku, ita bele halo mudansa ba situasaun, pergunta, eskritura, ka tópiku ba vizita fali hodi tuir situasaun iha ita-nia área. Neʼe mak matadalan foun liu neʼebé troka buat neʼebé hakerek iha Livru Moris Kristaun no Haklaken Juñu 2020 pájina 8.