Hanorin ho laran-manas

Ita-nia laran-manas bele kona ema seluk. Bainhira ita hatudu laran-manas, ema sei tau atensaun liután ba buat neʼebé ita hatoʼo. Neʼe mós hatudu katak ita hafolin ita-nia mensajen. Ita hotu bele hatudu laran-manas no neʼe la depende ba ita-nia toman ka kultura. (Rom 12:11) Oinsá mak ita bele halo nuneʼe?

Primeiru, hanoin kona-ba tanbasá ita-nia mensajen neʼe importante. Ita iha priviléjiu atu “fó sai liafuan diʼak”! (Rom 10:15) Segundu, hanoin kona-ba oinsá mak liafuan diʼak neʼe lori benefísiu ba Ita-nia rona-naʼin. Sira presiza tebes rona ba buat neʼebé Ita hatoʼo. (Rom 10:13, 14) Terseiru, koʼalia iha dalan neʼebé moris, no hatudu sai sentimentu liuhusi Ita-nia oin no dalan neʼebé Ita book an.

HAREE VÍDEO DRAMA HETAN KSOLOK HODI HANORIN EMA SAI DIXÍPULU—AUMENTA ITA-NIA MATENEK—HANORIN HO LARAN-MANAS, DEPOIS HATÁN BA PERGUNTA SIRA TUIRMAI:

• 

  Saida mak halo Nita la laran-manas tan atu estuda ho Dalia?

• 

  Saida mak ajuda Nita atu sai laran-manas fali?

• 

  Tanbasá ita presiza fokus ba hahalok diʼak husi ita-nia rona-naʼin?

• Oinsá mak ita-nia laran-manas bele book ita-nia estudante Bíblia no ema seluk?