Simu ajuda husi irmaun-irmán sira

Jeová fó ajuda mai ita liuhusi “maluk fiar-naʼin”, neʼe mak ita-nia irmaun-irmán sira. (1Pe 5:9) Sira bele ajuda ita manán hasoru dezafiu sira iha serbisu haklaken. Porezemplu, apóstolu Paulo hetan benefísiu tanba simu ajuda husi Áquila ho Priscila, Silas, Timóteo, no ema seluk.—Aps 18:1-5.

Oinsá mak irmaun-irmán sira bele ajuda Ita atu halaʼo serbisu haklaken? Karik sira fó sujestaun diʼak kona-ba oinsá atu koʼalia ho ema neʼebé la simu tanba razaun ruma, atu halo vizita fali, ka atu hahú no dirije estudu Bíblia. Hanoin kona-ba irmaun ka irmán ida iha Ita-nia kongregasaun neʼebé bele ajuda Ita, no depois husu ajuda. Imi naʼin-rua sei hetan benefísiu, no mós kontente.—Flp 1:25.

HAREE VÍDEO DRAMA HETAN KSOLOK HODI HANORIN EMA SAI DIXÍPULU—SIMU JEOVÁ NIA AJUDA—ITA-NIA IRMAUN-IRMÁN SIRA, DEPOIS HATÁN BA PERGUNTA TUIRMAI:

• 

  Nita koko atu halo saida hodi fó korajen ba Dalia atu tuir reuniaun?

• 

  Tanbasá diʼak atu lori haklaken-naʼin seluk hodi tuir ita-nia estudu Bíblia?

• 

  Abigail no Dalia iha interese neʼebé hanesan kona-ba saida?

• Abilidade hanesan saida mak ita bele aprende husi irmaun-irmán sira kona-ba serbisu haklaken?