TREINU KONA-BA HAKLAKEN | AUMENTA ITA-NIA KSOLOK IHA SERBISU HAKLAKEN
Ajuda estudante Bíblia atu tuir reuniaun sira
Reuniaun mak parte importante ba adorasaun neʼebé loos. (Sal 22:22) Ema hotu neʼebé halibur hamutuk hodi adora Jeová sente kontente no hetan bensaun. (Sal 65:4) Baibain estudante Bíblia sei laʼo ba oioin lalais se sira tuir reuniaun beibeik.
Oinsá mak Ita bele ajuda Ita-nia estudante Bíblia atu tuir reuniaun sira? Konvida sira nafatin. Hatudu ba sira vídeo Oinsá mak ami halaʼo reuniaun sira? Esplika kona-ba benefísiu husi reuniaun sira. (lff lisaun 10) Ita bele fahe pontu espesífiku neʼebé Ita aprende husi reuniaun ka Ita mós bele koʼalia hamutuk informasaun kona-ba reuniaun tuirmai. Fó ba estudante publikasaun neʼebé atu uza iha reuniaun. No Ita mós bele ajuda sira oinsá atu tuir reuniaun. Karik sira presiza transporte. Ita-nia hakaʼas an hotu neʼebé ita halo iha folin duni kuandu Ita-nia estudante tuir reuniaun ba dala primeiru.—1Ko 14:24, 25.
HAREE VÍDEO DRAMA AJUDA ESTUDANTE BÍBLIA ATU TUIR REUNIAUN SIRA, DEPOIS HATÁN BA PERGUNTA TUIRMAI:
Nita uza oportunidade saida atu konvida Dalia tuir reuniaun?
Tanbasá ita kontente kuandu estudante Bíblia tuir reuniaun?
“Maromak iha duni imi-nia leet”
Saida mak akontese kuandu Dalia tuir reuniaun ba dala primeiru?