Ajuda estudante Bíblia atu hasees an husi ransu neʼebé aat

Atu estudante Bíblia bele sai Jeová nia belun, sira tenke hili kolega diʼak atu ransu hamutuk. (Sal 15:1, 4) Belun neʼebé diʼak bele fó influénsia ba sira atu halo buat neʼebé loos.—Prv 13:20; lff lisaun 48.

Kuandu Ita ajuda Ita-nia estudante Bíblia atu hasees an husi ransu neʼebé la diʼak, Ita presiza hanoin sira no hatudu laran-diʼak. Karik sira sente susar atu la ransu ho kolega mundu. Tan neʼe, estuda Bíblia hamutuk deʼit la toʼo, Ita presiza mós ransu ho sira iha tempu seluk. Karik Ita bele haruka mensajen, telefone, ka vizita sira. Kuandu Ita-nia estudante laʼo ba oin, Ita bele konvida sira atu ransu hamutuk ho Maromak nia povu. Hodi halo nuneʼe, sira bele haree ho klaru katak sira sei hetan buat barak liu fali buat neʼebé sira lakon. (Mc 10:29, 30) Ita mós bele sente haksolok hodi haree Jeová nia família sai boot liután.

HAREE VÍDEO DRAMA AJUDA ESTUDANTE BÍBLIA ATU HASEES AN HUSI RANSU NEʼEBÉ AAT, DEPOIS HATÁN BA PERGUNTA TUIRMAI:

• Ransu neʼebé aat katak sá?—1Ko 15:33

• Foufoun Dalia imajina ransu ho ema Kristaun mak oinsá?

• Oinsá mak Nita ajuda Dalia atu hasees an husi ransu neʼebé aat?