MORIS NUʼUDAR EMA KRISTAUN
Prepara agora ba emerjénsia médiku
Tanbasá prepara? Situasaun emerjénsia no baixa iha ospitál bele akontese derrepente deʼit. Tan neʼe, prepara buat hotu antes situasaun emerjénsia mosu atu nuneʼe Ita bele hetan tratamentu médiku neʼebé diʼak se buat ruma akontese. Hodi halo nuneʼe, Ita hatudu respeitu ba moris no Jeová nia lei kona-ba raan.—Aps 15:28, 29.
Saida mak Ita bele halo atu prepara?
Halo orasaun no prenxe didiʼak Surat atu fó-hatene kona-ba Tratamentu Médiku (STM).a Haklaken-naʼin neʼebé batizmu ona bele husu ba irmaun neʼebé tau matan publikasaun atu hetan kartaun STM no mós Kartaun Identidade (KI) ba sira-nia oan neʼebé menór idade
Se Ita mak isin-rua, husu ba Ita-nia katuas kongregasaun atu fó kopia Informasaun ba Feto neʼebé isin-rua (S-401). Dokumentu neʼe sei ajuda Ita halo desizaun diʼak kona-ba problema médiku nian neʼebé bele mosu durante isin-rua no partus
Se Ita presiza halaʼo tratamentu neʼebé karik envolve ho raan ka baixa iha ospitál, fó-hatene nanis ba Ita-nia katuas kongregasaun
Oinsá mak katuas sira bele ajuda? Sira bele ajuda Ita atu prenxe Ita-nia kartaun STM. Maibé, katuas sira sei la halo desizaun médiku nian ba Ita ka fó sai sira-nia hanoin rasik kona-ba buat neʼebé ema ida-idak mak tenke deside. (Rom 14:12; Gal 6:5) Kuandu Ita fó-hatene ba katuas kongregasaun katak Ita hasoru daudaun problema médiku neʼebé envolve raan, sira sei kontaktu kedas Komisaun neʼebé Komunika ho Ospitál (HLC).
Oinsá mak HLC bele ajuda? Irmaun sira neʼebé serbí iha HLC hetan ona treinu atu ajuda sira neʼebé serbisu iha área médiku no lei atu komprende ita-nia fiar kona-ba raan. Sira bele halo diskusaun ho doutór sira neʼebé fó tratamentu ba Ita kona-ba oinsá atu prevene transfuzaun raan. Se presiza, sira mós bele ajuda Ita atu hetan doutór neʼebé respeitu ita-nia desizaun kona-ba raan.
HAREE VÍDEO OINSÁ ATU HALO DESIZAUN KONA-BA TRATAMENTU MÉDIKU NEʼEBÉ UZA RAAN, DEPOIS HATÁN BA PERGUNTA TUIRMAI:
Saida mak Ita aprende husi vídeo neʼe kona-ba prepara an ba emerjénsia médiku neʼebé envolve raan?
a Lisaun 39 husi livru Moris Haksolok ba Nafatin bele ajuda Ita halo desizaun kona-ba tratamentu médiku neʼebé envolve raan.