Tanbasá funu no konflitu nafatin akontese?

SALA

Maromak kria ita-nia inan-aman primeiru Adão no Eva tuir ninia ilas. (Génesis 1:27) Neʼe katak sira bele haleno Maromak nia hahalok sira hanesan dame no domin. (1 Korinto 14:33; 1 João 4:8) Maski nuneʼe, Adão no Eva kontra Maromak no halo sala. Rezultadu mak ema hotu sai sala-naʼin no mate. (Roma 5:12) Tanba ema nia kondisaun nuʼudar sala-naʼin, dala barak ema iha hanoin neʼebé aat no neʼe book sira atu halo violénsia.—Génesis 6:5; Marcos 7:​21, 22.

EMA NIA GOVERNU

Bainhira Maromak kria ema, nia la kria ema ho abilidade atu ukun sira-nia an rasik. Bíblia hatete: “Ema la iha kbiit atu hili ninia dalan rasik.” (Jeremias 10:23) Tan neʼe, ema nia governu labele halakon ho kompletu funu no violénsia.

SATANÁS NO ANJU AAT SIRA

Bíblia hatete katak “aat-naʼin mak domina mundu tomak”. (1 João 5:19) “Aat-naʼin” neʼe mak Diabu Satanás, no nia mak laran-aat no ohodór. (João 8:44) Maski ita labele haree ho matan, maibé nia no anju aat sira book ema atu halo funu no violénsia.—Apokalipse 12:​9, 12.