Sujestaun atu ajuda ita lee Bíblia loroloron

Ita okupadu no neʼe halo susar ba Ita atu lee Bíblia loroloron ka lae? (Jos 1:8) Se nuneʼe, sujestaun tuirmai bele ajuda Ita:

• Tau alarma. Tau alarma iha Ita-nia telefone ka tablet hodi fó-hanoin Ita atu lee Bíblia.

• Rai Ita-nia Bíblia iha fatin neʼebé fasil atu haree. Se Ita lee Bíblia neʼebé print, rai Bíblia iha fatin neʼebé fasil atu haree loroloron.—Deut 11:18.

• Rona ba gravasaun áudio. Rona ba gravasaun bainhira ita halo atividade loroloron nian. Inan ida naran Tara neʼebé serbí nuʼudar pioneiru no mós halo serbisu iha kalan, hatete: “Rona ba gravasaun Bíblia nian bainhira halo serbisu uma-laran ajuda haʼu atu la falta lee Bíblia loroloron.”

• Keta rende an. Se buat ruma akontese no Ita la konsege lee Bíblia tuir planu, lee deʼit versíkulu balu antes toba. Maski lee uitoan deʼit, lee Bíblia loroloron sei lori benefísiu boot ba Ita.—1 Ped 2:2.