Imajina istória husi Bíblia

Bíblia konta istória barak neʼebé hanorin lisaun importante. Kuandu ita imajina ho didiʼak kona-ba istória sira-neʼe, ita bele komprende liután buat neʼebé ita lee no hetan benefísiu liután. Sujestaun tuirmai bele ajuda Ita atu imajina istória husi Bíblia.

• Lee ho lian. Lee Bíblia ho lian bele ajuda Ita atu imajina situasaun ho klaru liután. Kuandu lee Bíblia hamutuk nuʼudar família, Ita bele halo istória sai moris liu hodi fó knaar ba ema ida-idak atu lee tuir ema iha istória neʼe.

• Hanoin didiʼak kona-ba situasaun. Koko atu komprende ema iha istória nia hanoin no sentimentu. Porezemplu, husu Ita-nia an: ‘Tanbasá mak ema neʼe koʼalia ka halo hanesan neʼe? Se haʼu mak iha ema neʼe nia fatin, haʼu sei hanoin ka sente oinsá?’

• Halo dezeñu. Hodi halo dezeñu kona-ba istória husi Bíblia bele ajuda Ita atu imajina no hanoin-hetan situasaun ho diʼak liután maski dezeñu neʼebé Ita halo mak la haree furak.