Problema kona-ba sente mesamesak aumenta liután—Saida mak Bíblia dehan?

Tuir peskiza neʼebé halo iha nasaun oioin iha mundu tomaka, maizumenus ema ida husi ema naʼin-haat mak sente mesamesak.

•  “Ema naran deʼit bele komesa la ransu tan ho ema seluk, neʼe la depende ba sira-nia idade ka hela-fatin.”​—Chido Mpemba, cochair of the World Health Organization’s Commission on Social Connection.

Ema balu hanoin katak só ema neʼebé idade boot ka sira neʼebé la ransu ho ema seluk mak sente mesamesak. Maibé ema neʼebé sei joven, iha saúde diʼak, susesu, no kaben ona mós bele sente mesamesak. Izola an no sente mesamesak bele afeta makaʼas ema nia saúde iha dalan fíziku no emosaun.

•  Dr. Vivek Murthy, U.S. surgeon general hatete: “Sente mesamesak mak laʼós sentimentu negativu deʼit. La ransu ho ema seluk bele lori risku mate hanesan ho fuma sigarru 15 iha loron ida nia laran.”

Saida mak Bíblia dehan

Ita-nia Kriadór lakohi atu ita izola an. Maromak nia hakarak horiuluk kedas mak atu ema moris kontente, no iha relasaun diʼak ho ema seluk.

•  Bíblia nia prinsípiu: “Maromak Jeová hatete: ‘La diʼak ba mane neʼe atu kontinua moris mesak.’”​—Génesis 2:18.

Maromak hakarak ita atu haburas relasaun diʼak ho nia. Nia promete katak nia sei hakbesik ba ita bainhira ita hakaʼas an atu hakbesik ba nia.​—Tiago 4:8.

•  Bíblia nia prinsípiu: “Ksolok ba sira neʼebé hatene katak sira presiza Maromak nia matadalan, tanba Ukun lalehan mak sira-nian.”​—Mateus 5:3.

Maromak hakarak ita atu adora nia hamutuk ho ema seluk. Bainhira ita halo nuneʼe, neʼe ajuda ita sente kontente liu.

•  Bíblia nia prinsípiu: “Mai ita hanoin malu hodi fó laran-manas ba malu atu hatudu domin no hahalok diʼak, . . . keta haluha atu halibur hamutuk, no fó aten-brani ba malu.”—Ebreu 10:24, 25.

Atu hetan informasaun liután kona-ba tanbasá mak importante atu kontra hasoru sentimentu mesamesak, lee informasaun “Kesepian meski Ada Banyak Sarana Komunikasi”.