Ema barak sente mesamesak​—Oinsá mak Ita bele tahan?

•  “Relatóriu hatudu katak maizumenus porsentu 50 husi adultu iha Estadus Unidus Amérika sente mesamesak, liuliu sira neʼebé tinan 18 toʼo 25 mak sente hanesan neʼe.”​—Our Epidemic of Loneliness and Isolation: The U.S. Surgeon General’s Advisory on the Healing Effects of Social Connection and Community, 2023.

•  “[Organizasaun Saúde Mundiál] fó sai anúnsiu katak sira fó knaar ba grupu ida atu kombate problema kona-ba sentimentu mesamesak nuʼudar ameasa boot ba saúde, anima ema atu haburas relasaun diʼak ho ema seluk, no buka dalan oioin atu hasoru sentimentu mesamesak iha nasaun hotu, inklui nasaun kiak no mós nasaun riku.”​—Organizasaun Saúde Mundiál, 15 Novembru 2023.

Bíblia fó matadalan diʼak neʼebé ajuda ita atu haburas relasaun diʼak ho ema seluk.

Bíblia nia matadalan neʼebé bele ajuda ita

Hamenus atividade neʼebé halo ita mesamesak. Atividade sira-neʼe inklui uza média sosiál demais. Duké halo ida-neʼe, buka atividade neʼebé envolve ema seluk hodi ita bele hetan belun neʼebé loos.

•  Bíblia nia prinsípiu: “Belun neʼebé loos hatudu domin iha tempu hotu no nia sai hanesan maun ka alin ida iha tempu susar.”​—Provérbios 17:17.

Buka oportunidade atu ajuda ema seluk. Hatudu hahalok diʼak ba ema seluk laʼós deʼit hametin ita-nia relasaun ho sira maibé mós halo ita sente kontente liu.

•  Bíblia nia prinsípiu: “Kontente liu atu fó duké simu.”​—Apóstolu 20:35.

Loke ami-nia website atu hetan informasaun husi Bíblia kona-ba oinsá atu haburas relasaun belun nian neʼebé diʼak.