Saida mak Ita bele halo atu sai kontente kuandu hasoru susar oioin—Saida mak Bíblia hanorin?

Ohin loron, ita labele kontrola buat hotu neʼebé akontese iha ita-nia moris. Maski nuneʼe, dala barak ita-nia kontente depende ba ita-nia atitude duké situasaun sira neʼebé ita hasoru. Bíblia hatete katak “ema neʼebé laran-kontente, nia moris ho ksolok loron ba loron”, maski hasoru problema oioin. (Provérbios 15:15) Saida mak ita bele halo atu sai kontente liután? Haree toʼok oinsá mak Bíblia nia matadalan bele ajuda Ita.

Tahan hasoru laran-susar

Bíblia hatete: “Hanoin resin mak halo ema sente laran-todan, maibé liafuan neʼebé diʼak mak halo ema sente laran-haksolok.”—Provérbios 12:25.

• Bíblia bele ajuda Ita atu hamenus laran-susar. Atu hatene liután lee informasaun “Bíblia nia hanorin kona-ba laran-susar.”

Luta hasoru sentimentu mesamesak

Bíblia hatete: “Belun neʼebé loos hatudu domin iha tempu hotu no nia sai hanesan maun ka alin ida iha tempu susar.”—Provérbios 17:17.

• Bíblia iha matadalan neʼebé bele ajuda Ita atu hetan belun neʼebé diʼak, no neʼe sei ajuda Ita atu la sente mesamesak. Lee informasaun “Manán hasoru sentimentu mesamesak hodi habelun ho ema seluk—Oinsá Bíblia bele ajuda?.”

Haburas domin ba Maromak no domin ba ema seluk

Bíblia hatete: “Imi tenke hadomi Jeová, imi-nia Maromak, ho imi-nia laran tomak. . . . Imi tenke hadomi imi-nia maluk hanesan imi-nia an rasik.”a—Mateus 22:37-39.

• Orasaun bele ajuda ita atu hakbesik liután ba Maromak. Atu aprende liután, lee informasaun “Maromak rona ita-nia orasaun ka lae?”

• Ita hatudu domin ba ema seluk hodi halo tuir Ukun-Fuan Osan-Mean neʼebé Jesus hanorin. Atu aprende liután, lee informasaun “Saida mak Ukun-Fuan Osan-Mean?”

Ita hakarak aprende liután kona-ba oinsá Bíblia bele ajuda Ita atu sai kontente ka lae? Se nuneʼe, ami konvida Ita atu koko kursu Bíblia interativu ho gratuitu.