Maromak nia Liafuan fó kbiit ba ita-nia moris loroloron nian ka lae?

Lee Bíblia loroloron bele ajuda ita-nia fiar atu “hamriik metin” hanesan “ai nia abut neʼebé metin”. (Koloso 2:6, 7) Maibé, se ita hakarak Jeová nia Liafuan atu fó kbiit ba ita-nia moris, ita tenke hanoin kleʼan no uza Bíblia nia matadalan sira. (Ebreu 4:12; Tiago 1:22-25) Tan neʼe, halo tuir hakat tolu husi Josué (Yosua) 1:8 bainhira lee Bíblia: (1) Lee Maromak nia Liafuan “loron no kalan”. (2) Lee ho “lian neineik”. Neʼe katak lee iha dalan neʼebé ita mós bele medita no imajina kona-ba situasaun iha tempu Bíblia nian. (3) Hakaʼas an atu aplika “buat hotu neʼebé hakerek iha laran”. Halo tuir sujestaun sira-neʼe bele ajuda ita atu “hetan susesu” no hatudu “hahalok matenek” iha moris loroloron nian.