PARTE 1

Oinsá mak ita rona ba Maromak?

Maromak koʼalia mai ita liuhusi Bíblia. 2 Timóteo 3:16

Husi lalehan, Jeová nia espíritu ajuda ema atu hakerek Bíblia

Maromak neʼebé loos haruka ema atu hakerek ninia hanoin iha livru espesiál ida. Livru neʼe mak Bíblia. Liuhusi livru neʼe, Maromak fó sai informasaun importante neʼebé nia hakarak ita atu hatene.

Maromak hatene buat neʼebé diʼak mai ita, no nia mak matenek hotu nia Hun. Hodi rona ba nia, ita bele hetan matenek neʼebé loos.—Provérbios 1:5.

Bíblia iha língua oioin; mane ida lee Bíblia iha ninia língua rasik

Maromak hakarak ema hotu lee Bíblia. Agora Bíblia tradús ona ba língua barak.

Se Ita hakarak rona ba Maromak, Ita presiza lee no komprende Bíblia.

Ema barak aprende daudauk kona-ba Maromak. Mateus 28:19

Testemuña ba Jeová ida lee hela eskritura ba mane ida, tuirmai estuda Bíblia hamutuk ho mane neʼe

Testemuña ba Jeová bele ajuda Ita atu komprende Bíblia.

Iha mundu tomak, sira hanorin lia-loos kona-ba Maromak.

Halibur hamutuk iha Reuniaun-Fatin husi Testemuña ba Jeová

Ita la presiza selu atu estuda Bíblia. Ita mós bele aprende kona-ba Maromak iha Reuniaun-Fatin husi Testemuña ba Jeová.