Ezemplu oinsá atu haklaken ba ema

Oinsá atu komesa estudu Bíblia iha domingu primeiru iha fulan-Abríl

“Ema balu fiar katak buat neʼebé Bíblia fó-hatene nanis kona-ba futuru sei sai loos. Ema seluk sente katak buat neʼebé Bíblia hatete sei la akontese tanba ema siʼik deʼit. Ita hanoin oinsá kona-ba neʼe?” Hein ba resposta. Depois fó Livru Haklaken Abríl-Juñu ba uma-naʼin no koʼalia hamutuk kona-ba pergunta primeiru iha pájina 16, no lee eskritura ida ka liu husi parágrafu. Fó livru neʼe ba uma-naʼin no halo arranju atu vizita fali hodi koʼalia hamutuk pergunta tuirmai.

Livru Haklaken Abríl-Juñu

“Foin daudauk, ema barak koʼalia kona-ba Armagedon. Tuir Ita-nia hanoin, ema bele hapara Armagedon ka lae? [Hein ba resposta.] Liafuan ‘Armagedon’ mai husi eskritura neʼe. [Lee Apokalipse 16:16. Depois hatudu Livru Haklaken nia oin.] Livru ida-neʼe fó resposta husi Bíblia ba pergunta sira-neʼe.”

Livru Haklaken Abríl-Juñu

“Ami mai vizita Ita hodi koʼalia kona-ba buat sira neʼebé akontese daudauk iha mundu neʼe. Ema barak sente katak liafuan sira iha eskritura neʼe mak loos. [Lee 2 Timoteo 3:1.] Tuir Ita-nia hanoin, ita hasoru susar sira-neʼe mesak deʼit ka lae? [Hein ba resposta.] Haree toʼok saida mak Maromak promete iha informasaun neʼe.” Hatudu informasaun iha pájina 18.