Kria ambiente neʼebé diʼak

Ita hakarak hetan benefísiu liután husi estudu pesoál ka lae? Sujestaun tuirmai bele ajuda Ita atu tau fokus kuandu Ita estuda:

• Hili fatin neʼebé diʼak. Se bele, buka fatin neʼebé la runguranga no iha naroman natoon. Ita bele estuda iha meza, ka iha fatin diʼak ruma iha liʼur.

• Buka tempu no fatin hakmatek. Jesus halo orasaun iha “dadeer-saan” iha “fatin neʼebé ema la iha”. (Mc 1:35) Se la iha fatin neʼebé Ita bele mesamesak, fó-hatene ba família ka ema neʼebé Ita hela hamutuk kona-ba Ita-nia tempu atu estuda no husu sira atu la atrapalla Ita.

• Kontinua fokus. Keta husik buat ruma dada Ita-nia atensaun. Se Ita uza telefone ka tablet atu estuda, hamate internét ka taka notifikasaun. Se Ita hanoin-hetan buat ruma neʼebé Ita presiza halo, diʼak atu hakerek nota no halo ida-neʼe iha tempu seluk. Se Ita ladún fokus ba Ita-nia estudu, diʼak atu laʼo halimar uitoan ka halo ezersísiu badak.