Misy Voka’e Soa ty Findesan-tegna Malio Naho ty Fahaiagne Magnaja

Fa nanambaly ty ampela ila’e vaho izay nanjare Vavolombelogne. Mete hagneke i hamarenagney ty vali’e, naho soa findesan-tegna reke. Faie va’e mila miaretse elaela hey i rahavavey. (1Pe 2:21-23; 3:1, 2) Mikezaha handrese ty raty amy ty soa, naho ihara ty tsy rare’e rehe. (Ro 12:21) Va’e hisy voka’e mihoatse ty raha rehafe’o ty raha soa atao’o.

Mikezaha hahatakatse ty heve’e. (Fi 2:3, 4) Mahaia mipetrake amy ty toera’e, sady asehò tie miferenaigne aze rehe. Anò soa ty andraiki’o an-tragno ao sady hajao reke. Tsanogno soa ty reha’e. (Jk 1:19) Managna faharetagne, sady meo toky reke tie tea’o. Va’e hagnaja azo naho ho soa fagnahy manahake azo ka ty vali’o. Faie ko haligno fa fale ty Jehovah mahavazoho fa tsy mivalike rehe.—1Pe 2:19, 20.

HENTEO TY VIDEO MAGNATANJAKE ANTIKA TY JEHOVAH NAHO FA MIATREKE RAHA SAROTSE TIKA, SADY VALEO RETOA:

• Nanao akore ty fiaigna i Rahavave Grace Li tafara kede ty nanambalia’e?

• Ino ty nahavy aze ho liagne amy i hamarenagney?

• Akore ty niatreha’e ty fitsapagne nahazo aze tafara ty badisa’e?

• Ino ty nirehafe i Rahavave Li naho fa nivavake miomba i vali’e reke?

• Ino ty fitahiagne azo’e noho i reke nanagne findesan-tegna malio sady nagnaja soa ty vali’e avao?