Ko Ivalihagne ty Vali’o

Heje i Jehovah hivalike tikagne. (Salamo 18:25) Toko’e hanagna ty mpivaly o toetoetse iohoeke fa izay ty hahavy iareo tsy hifamarahy. Hifankatea ty mpivaly naho tsy mifamarahy.

Sarotse amy ty mpivaly amy hinaneke zao ty mikezake tsy hivalike. Toko’e hanao ty raha roe retoagne rehe naho te hiaro ty fanambalia’o:

1 KO ATAO AMBANEN-DRAHA TY FANAMBALIA’O

INOGNE TY RAHA REHAFE TY BAIBOLY? ‘Fantaro’areo soa ze raha lahibey.’ (Filipianina 1:10) Ko atao ambanen-draha ty fanambalia’o fa io ty raha lahibey tsy misy hoe’e amy ty fiaigna’o.

Teà i Jehovah, naho i vali’o ro imanea’o voaloha’e amy ty fiaignagne sady ‘ampiharoe’e hafaleagne amy ty fiaignagne’ nareo. (Mpitoriteny 9:9) Misaontsy ty Jehovah fa heje’e hanao ambanen-draha ty vali’o rehe fa hanao ze raha hampifale aze. (1 Korintianina 10:24) Ampahafantaro i vali’o fa teà’o naho paliae’o reke.

INOGNE TY TOKO’E HATAO’O?

• Manokàgna andro hiharoa’areo, sady ko ariorio aman-draha hafa ty eretseretse amo o andro iohoeke.

• Imaneo lognandro ty vali’o

2 AMBENO MAFE TY FO’O

INOGNE TY RAHA REHAFE TY BAIBOLY? “Ze mikiroke ampela lognandro vaho te hila aze, le nanao hakarapilo am-po’ao.” (Matio 5:28) Mivalike amy i vali’e ty ndaty raike naho fa raty eretseretse lognandro.

Hoe ty Jehovah: “Ambeno mafe ty fo’o.” (Ohabolana 4:23; Jeremia 17:9) Ko ariorio ty maso naho te hiambegne ty fo. (Matio 5:29, 30) Tsikombeo ty raha nanoe i Joba. Nifagnina amy ty maso’e reke tsy hikirokiroke ampela hafa. (Joba 31:1) Ko magnente sare o ndaty miboridagne ndra sare maloto. Le falio ka ty ho tea ndaty hafa tsy vali’o.

INOGNE TY TOKO’E HATAO’O?

• Atorò ty hafa fa i vali’o avao ty tompo’o

• Fantaro ty raha heje i vali’o, le avy le apoho ty fifandraesa’o amy ty ndaty raike naho hafahafa amy i vali’o