Mivognona Avao amo o ‘Andro Fara’e’ Zao

Maro ty raha sarotse mampialy saigne ndra mampinekoneko antikagne amo ze o “andro fara’e” zao. (2Ti 3:1; “fahoriana” fagnazavagne Mt 24:8, nwtsty) Naho fa misy loza miseho, le mahazo toromareke naho tari-dalagne ara-potoagne ty vahoa i Jehovah. Iankigna ty fiaintika ty fagnorihagne zay. Ilaentikagne areke ty miomagne mialoha amy ty lafi’e ara-pagnahy. Mila miomagne amy ty raha ilaentika mba hiatrehagne i lozay ka tikagne.—Lk 16:10.

• Miomàna amy ty lafi’e ara-pagnahy: Mikezaha hanagne fahazaragne soa. Manoa karazam-panompoagne sambe karaza’e. Ko matahotse naho ohatse tafasarake amy ty mpiara-manompo amy ty fiangonagne misy azo eo rehe. (Is 30:15) Tsiarovo fa agnila’o eo avao ty Jehovah naho i Jesosy.—od 175-176 § 15-17

• Miomàna amy ty raha ilaegne hiatrehagne i lozay: Kitapo kedekede, hanegne tsy mora simba, rano, fagnafoly naho ty raha hafa tena ilaegne amy ze toeragne hifindràgne amy ty fotoa i lozay.—Oh 22:3; g17.5 4, 6

ALEFASO TY VIDEO TIHOE VOGNOGNE VAO REHE NAHO MISY LOZA ARAKE TY NATIORA? LE VALEO RETOA:

• 

  Nagnino ro tena ilaegne ty mifandrambe maifitse amy i Jehovah ndra tie mbe tsy avy i lozay?

• 

  Nagnino tika ro mila ...

  • mifandrambe mateteke amo o androanavi-pagnahio?

  • magnomagne kitapo misy ze raha tena ilaegne?

  • mamantatse ty loza va’e hiseho naho ty fomba hiatrehagne aze?

• 

  Ino ty raha telo azontikagne atao mba hagnampeagne ze ndaty azon-doza?

DINEHO ZAO: ‘Ino ty lesogne nirambese’o boake amy ty aretegne COVID-19 miomba ty fiomanagne mialoha?’