FIAIGNANTIKA KRISTIANA
Magnampe Antika Hahavita Hiatreke Raha Sarotse ty Jehovah
Maro ty raha sarotse atrehentikagne amy ty andro fara’e toy. Va’e hisy fotoagne aza tikagne hahatsapa tie tsy ho vitantikagne ty miaretse i raha rey. Faie naho mikezake miharine i Jehovah avao tika, le hagnampe antikagne hiaretse reke ndra tie tena mafe aza i olagney. (Is 43:2, 4) Ino ty hagnampe antikagne hifandrambe marine amy i Jehovah naho fa miatreke raha sarotse?
Vavake. Naho fa vorahentikagne amy i Jehovah ze raha am-pontikagne ao, le homea’e fiadanagne naho hery hiaretagne tika.—Fi 4:6, 7; 1Te 5:17.
Fivoriagne. Tena ilaegne i hanegne ara-pagnahy rey naho ty fifagnosehoseagne amo o mpiara-manompo mea i Jehovah antika am-pivoriagne agneo. (He 10:24, 25) Naho magnomagne sady magnatreke vaho mandrambe anjara amo o fivoriagneo areke tika, le tena handrambe soa amy ty fagnampea ty fagnahy i Jehovah.—Ap 2:29.
Fanompoagne. Hifantoke amy ty raha soa avao tika naho maro raha atao amy ty fanompoagne. Hihamafe ka ty fifandrambesantikagne amy i Jehovah naho amo o mpiharo finoagne amantikagneo.—1Ko 3:5-10.
HENTEO TY VIDEO TIHOE HANDRAMBE AZO TY JEHOVAH, LE VALEO RETOA:
Ino ty nagnampe i Malu hifandrambe marine amy i Jehovah avao ndra tie niatreke raha sarotse aza?
Nagnino ty raha rehafe ty Salamo 34:18 ro hampahery antika naho fa miatreke raha sarotse tikagne manahake i Malu?
Nagnino ty raha niaigna i Malu ro mampiseho fa mea i Jehovah “hery mandikoatse ty ahy o ndatio” tikagne naho fa miatreke raha sarotse?—2Ko 4:7