LESOGNE 57
Ino ty Toko’e Hatao’o Naho Nanao Fahotagne Lahibey Rehe?
Va’e hisy fotoagne rehe hanao fahadisoagne ndra tie tena tea i Jehovah naho mikezake mafe magnalavitse ty raha va’e hampalahelo aze aza. Faie misy fahotagne ila’e tena raty naho oharegne amy ty fahotagne hafa. (1 Korintianina 6:9, 10) Naho nanao fahotagne lahibey rehe, le tadidio avao fa mbe tea azo ty Jehovah. Vognogne hamela ty fahota’o naho hagnampe azo reke.
1. Ino ty raha tsy maintsy ataontikagne mba hahavy i Jehovah hamela ty fahotantikagne?
Tena malahelo ze ndaty tena tea i Jehovah naho tsapa’e tie nanao fahotagne lahibey reke. Faie mampahery iareo ty fampitamà i Jehovah toy: “Ndra tie mena bey aza ty fahota’areo, le hataoko foty bey.” (Isaia 1:18) Hamela ty helontikagne ty Jehovah naho mibebake tikagne. Ino ty atao tihoe mibebake? Mibebake ty ndaty raike naho manegnegne mafe, le tsy manao i raha ratỳ sasa sady mihalaly amy i Jehovah mba hamela aze. Mikezake mafe reke naho fa avy eo mba hisintake i raha nahavy aze nanotay, ndra eretsere-draty zay ndra fahazaran-draty. Mikezake ka reke mba hagnorike ty fitsipy i Jehovah.—Vakio ty Isaia 55:6, 7.
2. Akore ty ampiasa i Jehovah o androanavi-pagnahio mba hagnampeagne antikagne?
Naho nanao fahotagne lahibey tikagne, le mandily antikagne ty Jehovah mba ‘hirehake amy ty androanavi-pagnahy amo o fiangonagneo eo.’ (Vakio ty Jakoba 5:14, 15.) Tena tea o lahilahy voatendre reo ty Jehovah naho o agnondri’eo. Iareo ty hagnampe antikagne mba ho soa fifandrambesagne amy i Jehovah indraike.—Galatianina 6:1.
Akore ty atao o androanavi-pagnahio mba hagnampeagne antikagne naho nanota tika? Androanavi-pagnahy roe ndra telo ty hirehake amantikagne. Hampiasa ty Soratse Masigne iareo mba hampisehoagne tie ino ty maharaty i raha nataontikagney. Hagnomey torohevetse sady hampahery antikagne ka iareo, amy izay tikagne tsy magneregne i fahotagney sasa. Naho misy ndaty raike nanao fahotagne lahibey faie tsy nibebake, le tsy maintsy asinta o androanavi-pagnahio tsy ho agnisa ty fiangonagne reke mba hiarovagne i fiangonagney tsy ho voataogne hanao raty.
ANDAO HANDINEKE TY PITSOPITSO’E
Hodinehentikagne ato tie, akore ty agnampea i Jehovah antikagne naho nanao fahotagne lahibey tika, amy izay tika hankasitrake ty fagnampeagne ho azontikagne.
3. Hiaregne indraike tikagne naho magneke tie nanao fahotagne lahibey
Toko’e hieke ty fahotantikagne amy i Jehovah tikagne satria nanao raha mampalahelo aze. Vakio ty Salamo 32:1-5, sady iharò midineke ty fagnonteneagne toy:
Nagnino ro mahasoa antikagne ty mieke ty fahotantikagne amy i Jehovah fa tsy magnetaketake aze?
Faie tsy ampe tihoe mieke ty fahotantikagne amy i Jehovah. Mila mangatake fagnampeagne amo o androanavi-pagnahio ka tikagne naho te hilamin-tsaigne. Alefaso i VIDEO oy, sady iharò midineke ty fagnonteneagne toy.
Arake i video teoy, ino ty natao o androanavi-pagnahio mba hagnampeagne i Canon hiheregne amy i Jehovah indraike?
Tsy toko’e hahamarikarike antikagne ty hirehake amo o androanavi-pagnahio sady toko’e ho rehafentikagne iaby ze tena maregne. Vognogne hagnampe antikagne iareo. Vakio ty Jakoba 5:16, sady iharò midineke ty fagnonteneagne toy:
Nagnino ro ho mora amo o androanavi-pagnahio ty hagnampe antikagne naho mirehake ty tena maregne tikagne?
Toko’e hieke ty fahota’o rehe, hirehake ty maregne amo o androanavi-pagnahio sady hagneke ty fagnampea i Jehovah
4. Mamindra fo amo o ndaty nanotao ty Jehovah
Naho tsy mete magnorike ty fitsipy i Jehovah ty ndaty raike nanao fahotagne lahibey, le tsy maintsy asintake tsy ho agnisa ty fiangonagne sady tsy ifagnosehoseantikagne sasa. Vakio ty 1 Korintianina 5:6, 11, sady iharò midineke ty fagnonteneagne toy:
Lalivay kede avao le fa mampitombo i kobay iaby. Ino ka ty ho voka’e amy i fiangonagney naho mbe mifagnosehose amy ty ndaty raike nanota faie tsy mibebake tikagne?
Mamindra fo amo o ndaty nanao fahotagneo ty Jehovah. Ty fitsikombea o androanavi-pagnahio izay ty mahavy iareo mikezake mafe mba hagnampe ze ndaty nasintake tsy ho agnisa ty fiangonagne. Maro tamy ty ndaty nasintake tsy ho agnisa ty fiangonagne ro niheregne indraike mba ho agnisa ty fiangonagne. Maregne fa tsy mora tamy iareo tihoe nasintake faie izay ty nagnampe iareo hahatsapa fa raty i raha natao iareoy.—Salamo 141:5
Trea tie mahay manahatsahatse naho mamindra fo vaho bey hatea ty Jehovah naho henteagne ty fomba indesaʼe o ndaty nanotao. Nagnino tika ro mirehake izay?
5. Mamela antikagne ty Jehovah naho tena mibebake tikagne
Nanao fagnoharagne ty Jesosy mba hagnampeagne antikagne hahafantatse tie, ino ty tsapa i Jehovah naho fa misy mpanota raike mibebake. Vakio ty Lioka 15:1-7, sady iharò midineke ty fagnonteneagne toy:
Ino ty ianara’o miomba i Jehovah boake amo o fagnoharagne iohoe?
Vakio ty Ezekiela 33:11, sady iharò midineke ty fagnonteneagne toy:
Ino ty raha tena lahibey toko’e hataontikagne mba hampisehoagne tie tena mibebake tikagne?
Mitovy amy ty mpiarak’agnondry mikarakara soa ty agnondri’e ty Jehovah
MISY TY MIREHAKE TIE: “Matahotse raho kera hasintake tsy ho agnisa ty fiangonagne naho rehafeko amo o androanavi-pagnahio tie nanao fahotagne lahibey raho.”
Ino ty ho rehafe’o amy ze ndaty mieretseretse hoe izay?
FAMINTIGNAGNE
Ndra tie manao fahotagne lahibey aza tikagne, le hamela antikagne ty Jehovah naho manegnegne tikagne sady tapa-kevetse tsy hagneregne aze sasa.
Fameregnagne
Nagnino ro mahasoa antikagne ty mieke ty fahotantikagne amy i Jehovah?
Ino ty toko’e hataontikagne naho teantikagne hamela heloke antikagne ty Jehovah?
Nagnino tikagne ro toko’e hangatake fagnampeagne amo o androanavi-pagnahio naho nanao fahotagne lahibey?
FAGNAZAVAGNE FAGNAMPE’E
Akore ty ampisehoa i Jehovah tie mamindra fo reke, arake ty Isaia 1:18, naho henteagne ty raha niaigna ty lahilahy raike toy?
Akore ty atao o androanavi-pagnahio mba hagnampeagne ze nanao fahotagne lahibey?
Henteo atoa ty fomba hanehoagne hatea naho famindram-po amo o ndaty nasintake tsy ho agnisa ty fiangonagneo.
Akore ty nahatsapà ty lahilahy niala tamy ty hamarenagne toy fa nitaone i Jehovah indraike reke?
“Magnova Ndaty ty Baiboly” (Fitalakesan-davitse 1 Avrily 2012)