Anò Tsotra ty Fomba Fampianara’o

Akore ty Nampisehoa i Jesosy Izay?

VIDEO: I Jesosy Mampiasa Fagnoharagne mba Hagnazavagne ty Fomba Ikarakarà i Babantikagney Antikagne

1. Henteo i VIDEO oy ndra vakio ty Matio 6:25-27, le valeo ty fagnonteneagne retoagne:

1. Akore ty nagnazavà i Jesosy ty fomba ikarakarà i Jehovah antikagne?

2. Ndra tie maro ty raha nifanta i Jesosy miomba o folio, ino ty nahavy aze tsy nagnazava irey iaby? Nagnino ro nimete soa ty nanoa’e izay?

Ino ty Ianarantikagne Boake amy i Jesosy?

2. Naho ataontikagne tsotra ty fomba fampianarantikagne, le ho tsiaro i ndatỳ i raha nampianaregne azey sady hanohigne ty fo’e.

Tsikombeo ty Jesosy

3. Ko bey rehake. Ze fagnazavagne agnate i fitaovagney ao avao ro ifantoho, fa ko rehafegne iaby ze raha fanta’o miomba i foto-kevetsey. Naho fa boake nametrake i fagnonteneagney rehe, le manàgna faharetagne naho fa mandigne aze hamale. Naho tsy hai’e ty vale’e ndra tsy mifagnarake amy ty fampianara ty Baiboly ty avale’e aze, le mametraha fagnonteneagne fagnampe’e mba hagnampeagne aze hahatakatse i hevetsey. Naho fa taka’e ty hevetse lahibey amy i fianaragney, le mifindrà amy ty magnarake.

4. Ampiasao ze raha fa hay i mpiana’oy mba hagnampeagne aze hiana-draha vaovao. Ohatse, aloha ty hanombohagne i lesogne vaovao miomba ty famelomagne ty matey, le va’e hanao fameregnagne kede miomba ty raha fa nianara i mpianatsey miomba o ndaty mateo nareo.

5. Mampiasà fagnoharagne. Aloha ty hampiasagne fagnoharagne, le dineho zao:

1. a. ‘Tsotra vao i fagnoharagney?’

2. b. ‘Ho mora amy i mpianakoy vao ty le avy le hahazo ty heve i fagnoharagney?’

3. d. ‘Ty hevetse lahibey amy i lesogney vao ty ho tadidy i mpianatsey naho fa hirehake i fagnoharagney raho, sa i fagnoharagney avao?’