Ko Haligno ty Mivavake Hoahy ty Kristiana Misy Magnenjeke

Rehafe ty faminaniagne agnate Baiboly ao fa manao ze hanakanagne ty fanompoantikagne ty Satana. (Jn 15:20; Ap 12:17) Akore ty agnampeantikagne ty Kristiana misy magnenjeke an-tane hafa agne? Azontikagne atao ty mivavake hoahy iareo, satria misy heri’e lahibey sady “misy voka’e ty fihalalea ty ndaty maregne.”—Jk 5:16.

Inogne ty azontika vavahegne hoahy iareo? Afake mivavake tikagne mba hahavy iareo ho bey herim-po sady tsy hatahotse. (Is 41:10-13) Afake mivavake hoahy ty manam-pahefagne ka tika mba tsy handrara ty asa fitoriagne iareo “soa tie hanagnantikagne fiaignagne miadagne naho milamigne lognandro.”—1Ti 2:1, 2.

Naho fa nenjehegne ty Paoly naho i Petera, le nivavake hoahy iareo ty Kristiana tamy ty taonjato voaloha’e sady nanognogne ty agnara iareo. (As 12:5; Ro 15:30, 31) Ndra tie tsy haintikagne iaby ty agnara ty mpiara-manompo enjehegne amo o fotoagne misy antikagne hinane zao, le azontikagne atao ty manognogne ty agnara ty fiangonagne ndra ty firenena ndra ty faritse misy iareo.

Aia iaby ty tane misy Kristiana enjehegne mba hivavahako hoahy iareo?