“Nitelegne i Reneranoy” i Taney

Fa nagnampe ty vahoa i Jehovah avao o manam-pahefàgneo amparake izay. (Ezr 6:1-12; Es 8:10-13) Treantikagne amy hinane zao ka, fa atele “i taney” ndra ty mpitondra fanjakagne mahay mandineke “i reneranoy.” Tsy inogne o renerano iohoe fa ty fagnenjehagne alefa “i dragogney” ndra i Satana Devoly. (Ap 12:16) Misy fotoagne zao ohatse, risihe i Jehovah, i “Andrianagnahare mpagnavotsey”, o mpitondrao mba hagnomey fahafahagne ty vahoa’e.—Sl 68:20; Oh 21:1.

Akore zao ohatse, naho migadra noho ty finoa’o rehe? Ko matahotse fa mahavazoho ty raha manjò azo ty Jehovah. (Ge 39:21-23; Sl 105:17-20) Matokia fa hovalean-tsoa ty finoagne anagna’o, sady mampahery ty rahalahy naho ty rahavave magneran-tane ty tsy fivaliha’o.—Fi 1:12-14; Ap 2:10.

HENTEO TY VIDEO NAFAHAGNE O RAHALAHINTIKAGNE GINADRA TA KOREA AGNEO, LE VALEO TY FAGNONTENEAGNE RETOA:

• Nagnino o rahalahy agnarivo’e ta Korea Atimo agne reo ro ginadra tagnate ty taogne maro?

• Inogne iaby ty fanapaha-kevetse nirambese o manam-pahefàgneo le nahavy o rahalahintikagneo hahazo fahafahagne mialoha?

• Maro amo o rahalahintikagne magneran-tane reo ro migadra noho ty finoa’e. Akore ty azontikagne agnampeagne iareo?

• Akore ty toko’e hampiasantikagne ty fahafahagne anagnantikagne amy hinane zao?

• Ia ty tena mahavy antika hahazo fandreseagne?