FAMPIOFAGNAGNE AMY TY FANOMPOAGNE | AMPITOMBÒ TY HAFALEA’O AMY TY FANOMPOAGNE
Ampiasao ty Fitaovagne Fanoagne Fikarohagne
Nimea i Jehovah fitaovagne fampianaragne fanjaka tikagne. Iretoagne iaby zay: Video, taratasy milimpy, gazete, bokekele, boke, naho ty Baiboly. (2Ti 3:16) Faie nimea’e fitaovagne fanoagne fikarohagne isan-karaza’e ka tikagne mba hahaiantikagne magnazava ty Soratse Masigne. Agnisa izay ty Watchtower Library, JW Library®, FAGNAJARIAM-BOKE TY Vavolombelo i Jehovah amy Internet Ao, naho Fitaovagne Fikarohagne Hoahy ty Vavolombelo i Jehovah.
Tena ho fale rehe naho mikezake mikaroke ty harena mietake agnate Baiboly ao. Ampiofagno ty mpiana’o Baiboly mba hahay hampiasa i fitaovagne fikarohagne rey. Ho fale reke naho fa mahatrea ty vale ty fagnontenea’e agnate Baiboly ao.
ALEFASO TY VIDEO TIHOE MAHAFALE TY MANAO MPIANATSE: RAMBESO TY FAGNAMPEA I JEHOVAH: FITAOVAGNE FANOAGNE FIKAROHAGNE, LE VALEO RETOA:
Ino ty raha niliere i Safira miomba i famorognagney?
Taia ty nahatreava i Nita fagnazavagne mamale izay?
Ho fale tika naho mikaroke sady mizara amy ty hafa ty harena mietake agnate Baiboly ao
Akore ty nifiliana i Nita ze fagnazavagne mete soa sady ho mora azo i Safira?
Ino ty voka’e naho fa nampiasa soa i fitaovagne fikarohagne rey ty Nita?