Hofoagna i Jesosy o Hampiarotegneo

Taka i Jesosy ty fijaleagne mahazo antika noho o hampiarotegne naho o tsy rare’eo. Fa natao kitomboke reke, nidemohegne ty jera, nimelohegne amy ty raha tsy natao’e, nanoagne ty tsy rare’e, le tsy nadòke naho tsy le nimate. Ndra tie tsy nanao raha raty aza reke le nivognogne “hagnomey ty fiai’e ho solovoigne mba hagnavotagne ndaty maro.” (Matio 20:28; Jaona 15:13) Amy ty maha Mpanjaka i Fanjakàn’Andrianagnaharey aze, le tsy ho ela reke le hamoagne ty tsy rare’e naho ty hampiarotegne.​—Isaia 42:3.

Rehafe ty Baiboly tie hanao akore ty fiaignagne ambone etoy naho fa ho tanterake zay:

• “Tsy hisy sasa ty ndaty raty fagnahy. Handineke ty nisy aze rehe faie tsy ho eo sasa iareo. Ze ndaty mpandefetse avao ro handova ty tane toy, le ho fale amy ty fiadanam-bey.”​—Salamo 37:10, 11.

Akore ty ampisehoantika fa mankasitrake ty raha natao i Jesosy naho ty raha mbe hatao’e tika? Fomba raike anoantikagne izay ty fianaragne miomba i hafatse nitorie i Jesosỳ, tsy inogne zay fa ty miomba “i talily soa i Fanjakàn’Andrianagnaharey.” (Lioka 4:43) Vakio ty lahatsoratse tihoe “Inona ny Fanjakan’Andriamanitra?”