Vao Mainke Mihamanjeke ty Tsy Fagnorihan-dalàna Magneran-tane: Ino ty Rehafe ty Baiboly?

Manjeke ty vonoagne ndaty ty a Haiti agne. Le hoe izay avao ka ty an’Afrike Atimo, Meksike naho an’Amerika Latina agne. Miterake fijaleagne hoahy ty ndaty agne ze raha miseho zay. Ndra tie amy ty toeragne tsy le isehoa ty hampiarotegne hoe izay aza, le mbe minekoneko naho matahotse avao ty ndaty ao naho fa maharey talily miomba ty goreve, ty halatse vaho ty hampiarotegne.

Ino ty rehafe ty Baiboly miomba ty tsy fagnorihan-dalàna miseho magneran-tane?

Ino ty fa nirehafe ty Baiboly mialoha miomba o tsy fagnorihan-dalànao?

Fa nirehafe ty Baiboly mialoha fa famantaragne “ty fotoagne hifaragna ty tontolo toy” o tsy fagnorihan-dalànao. (Matio 24:3) Naho fa nirehake ty raha hiseho agnate o fotoagne iohoe ty Jesosy, le nirehake hoe izao:

• ‘Ho maro ty ndaty tsy hifankatea naho tsy hotea an’Andrianagnahare satria hihamaro ty ndaty tsy hagnara-dalàna.’​—Matio 24:12.

Fa rineha ty Baiboly mialoha ka fa “tsy hahafehe tegna, hasiake naho tsy ho tea ty soa” o ndatio naho fa “amy ty andro fara’e.” (2 Timoty 3:1-5) Noho ty ndaty amy izao tsy magnara-dalàna ty mahavy iareo hanagne o toetse rehoe.

Faie ndra tie eo zay, le mbe manan-draha tamaegne tikagne. Mampitamà ty Baiboly fa tsy ho ela le hofoagne o tsy fagnorihan-dalànao.

• “Tsy ho ela, le tsy hisy sasa ty ndaty raty fagnahy. Handineke ty nisy aze rehe faie tsy ho eo sasa iareo. Ze ndaty mpandefetse avao ro handova ty tane toy, le ho fale amy ty fiadanam-bey.”​—Salamo 37:10, 11.

Maro ty raha ampitamae ty Baiboly antikagne. Afake matoky rehe fa fahatanteraha ty faminania ty Baiboly o raha miseho amo o androntikagne hinane zaò. Naho mipay fagnazavagne fagnampe’e miomba izay rehe, le vakio ty lahatsoratse retoa:

“Mbola Hihatsara ve ny Fiainana Amin’ny Hoavy?”

“Ino ty Famantaragne i ‘Andro Fara’ey’ ndra i ‘Fara Androy’?”

“Efa Voalazan’ny Baiboly Mialoha ve ny Toe-tsain’ny Olona Amin’izao Andro Izao sy ny Zavatra Ataony?”