Tsy Maintsy Manjare Vavolombelo i Jehovah vao Raho Naho fa Mianatse Baiboly Miarake amy Iareo?

Tsy voatere. An-tapetrisa’e ty ndaty mianatse Baiboly miarake ama’ay faie tsy manjare Vavolombelo i Jehovah.a Ino areke ty anto’e ampianara’ay Baiboly? Te hampiseho ama’o ty maregne ampianare ty Baiboly avao zahay. Ty vatan-tegna’o avao naho fa avy eo ro manapa-kevetse tie inogne ty hatao’o naho fa fanta’o i rahay. Eké’ay tie anjara ty tsikiraidraike ty mifily ze fivavahagne tea’e.​—Josoa 24:15.

Tsy magnino vao naho ty Baibolin-tegna avao ro ampiasaegne naho fa mianatse?

Tsy magnino! Faie tea’ay ty mampiasa i fandikan-drehake moderina tihoey Ny Soratra Masina​—Fandikan-tenin’ny Tontolo Vaovao. Afake mahazo maimaim-poagne amy io rehe naho tea’o. Faie tsy mampagninogne anay naho ty Baiboli’o avao ro tea’o hampiasaegne. Ty anto’e, ty ankamaroa o Baibolio le mirehake miomba ty fiaignagne nainai’e naho magnampe o ndatio hanagne fanantenagne.

Fa magnino nareo ro mampianatse Baiboly ty ndaty tsy mitovy fivavahagne ama’areo?

• Tea’ay ty Jehovah Andrianagnahare. Tea’e ka naho rehafe o Kristianao amy ty hafa ty raha nianara’e. (Matio 22:37, 38; 28:19, 20) ‘Miara-miasa aman’Andrianagnahare’ zahay naho fa magnampe o ndatio hahafantatse ty raha ampianaregne amy ty Saontsi’e ao. Magneke zahay fa tsy misy tombotsoa lahibey mihoatse izay.​—1 Korintianina 3:6-9.

• Tea’ay ka ty mpiara-belogne ama’ay. (Matio 22:39) Fale zahay naho mirehake ama o ndaty ze raha mahafinaritse nianara’ay.​—Asan’ny Apostoly 20:35.